The news is by your side.

Advertisement

پاکستان میں 2بھائی بادشاہوں کےپاس جاکربلی بن جاتےہیں،بابراعوان

اسلام آباد : تحریک انصاف کے رہنما بابر اعوان کا کہنا ہے کہ پاکستانی قوم کسی اوراین آر او کو تسلیم نہیں کرے گی، پاکستان میں دوبھائی بادشاہوں کےپاس جاکربلی بن جاتےہیں، حکومت کومستعفی اور فوری انتخابات ہونے چاہئیں۔

تفصیلات کے مطابق پی ٹی آئی کے رہنما بابر اعوان نے میڈیا سے گفتگو کرتے ہوئے کہا کہ پاکستانی قوم کسی اور این آر او کو تسلیم نہیں کرے گی،پاکستانی عدالتوں کی توہین کرنےوالےسوچیں وہ کیاکررہےہیں۔ انصاف کا فیصلہ نہ پاکستان کی سڑکوں اور نہ جدہ میں ہوگا۔

بابر اعوان کا کہنا تھا کہ مشرف نے قانون سے بالاتر ہوکر انکی سزائیں معاف کردی تھیں، پاکستان میں دو بھائی بادشاہوں کے پاس جاکر بلی بن جاتے ہیں،جو کہتے ہیں مسلم امہ کیلئے جدہ گئے کیا انہوں نےٹرمپ کو ردعمل دیا۔

انھوں نے مزید کہا کہ مسلم امہ کا روشن ستارہ میرا اور آپ کا وطن پاکستان ہے، چوری کامال پکڑاجارہاہےاورپاکستان واپس ضرورآئےگا، حکومت کومستعفی اور فوری انتخابات ہونےچاہئیں۔


مزید پڑھیں : بحرانی کیفیت کے باعث قوم قبل ازوقت انتخابات چاہتی ہے، بابر اعوان


یاد رہے کہ اس سے قبل رہنما پاکستان تحریک انصاف بابر اعوان نے کہا ہے کہ غیر یقینی صورت حال میں قوم فوری نئے انتخابات چاہتی ہے چنانچہ نااہل حکومت مستعفی ہوکر قبل از وقت انتخابات کے لیے راہموار کرے۔

بابر اعوان کا مزید کہنا تھا کہ مسلم لیگ ( ن) نے عوام کی عدالت کا ٹریلر دیکھ لیا ہے سڑکیں کھل گئی ہیں اور اب لوہے کے چنے ہونے کا دعوی کرنے والے اپنے محفوظ پناہ گاہوں سے باہر نکل آئیں اور عوامی عدالت کا سامنا کریں تو کیا نوازشریف اب بھی عوام کی عدالت میں جانے کو تیارہیں؟


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پرشیئر کریں۔

Print Friendly, PDF & Email

Comments

comments

یہ بھی پڑھیں