The news is by your side.

شہباز گل کیلئے چاروں صوبوں کے ڈٓاکٹرز پر مشتمل آزاد بورڈ بنایا جائے، بابر اعوان کا مطالبہ

اسلام آباد: تحریک انصاف کے رہنما بابر اعوان نے شہباز گل کیلئے چاروں صوبوں کے ڈٓاکٹرز پر مشتمل آزاد بورڈ بنانے کا مطالبہ کردیا۔

تفصیلات کے مطابق تحریک انصاف کے رہنما بابر اعوان نے اسلام آباد ہائی کورٹ کے باہر میڈیا سے گفتگو کرتے ہوئے کہ شہباز گل پر ایسا تشدد ہواجو نہ بتایا جاسکتاہے اور نہ دکھایا جاسکتا ہے۔

بابراعوان کا کہنا تھا کہ میڈیا کے لوگ بھی چیخ چیخ کر کہہ رہے ہیں کہ تشددہواہے، آئی جی نے تفتیش کرنے کے لیے ایک اشتہارجاری کیاہے، اشتہار میں کہا گیا جس کسی کو تشدد کا پتہ ہے وہ آکر بتائے۔

رہنما پی ٹی آئی نے مطالبہ کیا کہ ملک کے چاروں صوبوں سے انڈی پینڈنٹ ڈاکٹرز پر مشتمل بورڈبنایاجائے، اس کاخرچہ ہم برداشت کریں گے، سرکاری اسپتال اور سرکاری ڈاکٹرزپراعتمادنہیں کیاجاسکتا۔

ان کا کہنا تھا کہ جیل کےمیڈیکل افسرنےکہا شہباز گل کوبچپن سےدمہ ہے، شہبازشریف کےبارےمیں بھی کمردردکی رپورٹ دی گئی تھی، نوازشریف کوپلیٹ لیٹس کامسئلہ بتایاگیااب وہ مزےکررہے ہیں۔

بابراعوان نے مزید کہا کہ اصل حکومت لندن سے ہورہی ہے،یہاں توان کے میرے بیٹھےہوئےہیں اور عمران خان کے خلاف بیان دینے کے لیے دباؤ ڈالا جا رہا ہے۔

Comments

یہ بھی پڑھیں