بگ بیش لیگ میں سڈنی سکسرز کی نمائندگی کرنے والے پاکستان کے بیٹر بابر اعظم ایک بار پھر ناکام ہوگئے۔
بگ بیش لیگ میں سڈنی سکسرز نے میلبرن اسٹارز کی جانب سے دیا جانے والا 129 رنز کا ہدف 17.1 اوورز میں 4 وکٹوں کے نقصان پر حاصل کرلیا۔
جیول ڈیوس نے دو وکٹیں حاصل کرنے پر میچ کا بہترین کھلاڑی قرار دیا گیا۔
تاہم پاکستان کے بابر اعظم ایک مرتبہ پھر بڑی اننگز نہ کھیل سکے اور 17 گیندوں پر 14 رنز بنا کر پویلین لوٹ گئے، بابر نے صرف ایک چوکا لگایا اور ان کا اسٹرائیک ریٹ 82.35 رہا۔
بابر کی اننگز کا اختتام اس وقت جب مارکس اسٹوئنس نے انہیں ایل بی ڈبلیو آؤٹ کیا۔
جب بابر اعظم واپس جانے لگے تو مارکس اسٹوئنس نے مسکراتے ہوئے ان کی طرف دیکھا اور چند الفاظ بھی ادا کیے اور ان کا مذاق اڑایا۔
The feedback from Stoinis to Babar after he dismissed him on the MCG #BBL15 pic.twitter.com/ojYacyMCQ3
— KFC Big Bash League (@BBL) January 8, 2026
واضح رہے کہ بابر اعظم نے بگ بیش لیگ کی 7 اننگز میں 24.16 کے ایوریج سے 145 رنز بنائے ہیں جس میں دو نصف سنچریاں شامل ہیں۔
