The news is by your side.

Advertisement

بابر اعظم ٹی ٹوئنٹی رینکنگ میں پہلے نمبر پر آگئے

دبئی: ویسٹ انڈیز کے خلاف ٹی ٹوئنٹی سیریز میں عمدہ کارکردگی کا مظاہرہ کرنے والے بابر اعظم ٹی ٹوئنٹی رینکنگ میں پہلے نمبر پر آگئے۔

تفصیلات کے مطابق آئی سی سی کی جانب سے جاری کردہ ٹی ٹوئنٹی کی رینکنگ میں بابر اعظم پہلے نمبر پر آگئے، لیگ اسپنر شاداب خان نے بالرز کی رینکنگ میں دوسرے نمبر پر قبضہ جمالیا۔

بابر اعظم 95 پوائنٹس کے ساتھ پہلے نمبر پر موجود ہیں نیوزی لینڈ کے کولن منرو اور آسٹریلیا کے گلین میکسویل بالترتیب دوسرے اور تیسرے نمبر پر موجود ہیں۔

ویسٹ انڈیز کے خلاف ٹی ٹوئنٹی سیریز میں پانچ وکٹیں لینے والے شاداب خان نے بالرز رینکنگ میں دوسری پوزیشن حاصل کرلی، پہلے نمبر پر افغانستان کے لیگ اسپنر راشد خان موجود ہیں، بھارتی اسپنر چاہل اور نیوزی لینڈ کے فاسٹ باؤلر ساؤٹھی بالتریتب تیسرے اور چوتھے نمبر پر براجمان ہیں۔

دیگر قومی بلے باز کی رینکنگ میں بھی بہتری آئی ہے، شعیب ملک کا 32 واں نمبر ہے، فخر زمان اور حسین طلعت بالترتیب 50 اور 54 ویں نمبر پر براجمان ہیں۔

محمد عامر اور حسن علی کی رینکنگ میں بھی بہتری آئی ہے، عامر 15 ویں نمبر سے 12 ویں نمبر پر آگئے ہیں، حسن علی 10 درجے بہتری کے بعد 30 ویں نمبر پر موجود ہیں۔

واضح رہے کہ ٹی ٹوئنٹی ٹیم رینکنگ میں بھی قومی ٹیم پہلے نمبر پر موجود ہے جبکہ آسٹریلیا کا نمبر دوسرا ہے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔  

Comments

comments

یہ بھی پڑھیں