The news is by your side.

Advertisement

بابراعظم کی کپتانی پر کرکٹ ماہرین کا زبردست تجزیہ

دبئی میں انٹرنیشنل کرکٹ کونسل (آئی سی سی) ٹی 20 ورلڈ کپ2021 میں قومی ٹیم کے کپتان بابراعظم نے بھارت کیخلاف اہم ترین میچ جیت کر قوم کے دل بھی جیت لیے۔

بھارت کے خلاف میچ میں بابراعظم کی کپتانی سب سے زیادہ اہمیت کی حامل تھی کیونکہ متحدہ عرب امارات کے اسٹڈیمز میں غلطیوں کی گنجائش بہت کم ہوتی ہے۔

اس حوالے سے اے آر وائی نیوز کے پروگرام "ہر لمحہ پرجوش” میں میزبان وسیم بادامی سے گفتگو کرتے ہوئے سینئر کرکٹرز انتخاب عالم، یونس خان اور تنویر احمد نے اپنی رائے سے آگاہ کیا۔

قومی ٹیم کے سابق کپتان یونس خان کا کہنا تھا کہ بابراعظم نے بہت اچھے طریقے سے ٹیم کو لیڈ کیا اور خود بھی اچھی پرفارمنس دی۔

سابق کرکٹر تنویر احمد کا کہناتھا کہ بابراعظم نے بہت مشکل اننگز کھیلی اگر کوئی یہ سمجھتا ہے کہ وہ آسان ہے تو وہ غلط ہے اگر ان میں کوئی بھی آؤٹ ہوجاتا تو پاکستان ٹیم مشکل میں آسکتی تھی۔

Comments

یہ بھی پڑھیں