بگ بیش لیگ کے کوالیفائر میں پرتھ اسکارچرز کے خلاف بابر اعظم صفر پر پویلین لوٹ گئے۔
بگ بیش لیگ کوالیفائر میں پرتھ اسکارچرز نے سڈنی سکسرز کو 48 رنز سے شکست دے کر فائنل میں جگہ بنالی، 148 رنز کے تعاقب میں سڈنی سکسرز کی ٹیم 99 رنز پر ڈھیر ہوگئی۔
فن ایلن کو 30 گیندوں پر 49 رنز کی اننگز کھیلنے پر میچ کا بہترین کھلاڑی قرار دیا گیا۔
ہدف کے تعاقب میں سڈنی سکسرز کی جانب سے بابر اعظم اوپننگ کے لیے آئے اور پہلے اوور میں کوپر کونولی کی گیند پر جوش انگلس کے ہاتھوں اسٹمپ ہوگئے۔
It's a duck for Babar Azam
HUGE call from the third umpire. #BBL15 pic.twitter.com/mvSDF5ITGJ
— KFC Big Bash League (@BBL) January 20, 2026
بی بی ایل 11 میچوں میں بابر نے 22.44 کی اوسط سے 202 رنز بنائے ہیں جبکہ ان کا اسٹرائیک 103.06 ہے جس میں دو نصف سنچریاں شامل ہیں۔
سڈنی سکسرز کی جانب سے اسٹیو اسمتھ 37 رنز بنا کر نمایاں رہے، کپتان ہینرکس 2 رنز پر بیئرڈمین کا نشانہ بنے۔
پرتھ اسکارچرز کی جانب سے مہیلی بیئرڈمین نے تین کھلاڑیوں کو آؤٹ کیا، کوپر کونولی اور ڈیوڈ پین نے دو، دو وکٹیں حاصل کیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں