بابراعظم نے تیز ترین ایک ہزار رنز بنا لیئے، ویرات کوہلی عالمی ریکارڈ سے محروم -
The news is by your side.

Advertisement

بابراعظم نے تیز ترین ایک ہزار رنز بنا لیئے، ویرات کوہلی عالمی ریکارڈ سے محروم

دبئی : ٹی ٹوئنٹی کرکٹ میں بابر اعظم نے تاریخی کارنامہ انجام دیتے ہوئے تیزترین ایک ہزار رنز کا ریکارڈ بنا ڈالا، بھارت کے ویرات کوہلی عالمی ریکارڈ سے محروم ہوگئے۔

تفصیلات کے مطابق پاکستان کرکٹ ٹیم کے اسٹار بیٹسمین بابر اعظم ٹی ٹوئنٹی کرکٹ میں تیز ترین ایک ہزار رنز کا ریکارڈ بنا دیا، بابر اعظم نے بھارتی کپتان ویرات کوہلی کا بھی ریکار ڈ توڑ دیا۔

نیوزی لینڈ کے خلاف تیسرے ٹیسٹ میچ میں بابر اعظم نے شاندار کھیل کا مظاہرہ کیا اور وہ صرف 58گیندوں پر79سکور بنا کر آﺅٹ ہوئے اور اس شاندار اننگز کے ساتھ ہی بابراعظم نے دنیائے کرکٹ میں ایک اور اعزاز اپنے نام کر لیا۔

بابر اعظم نے کیرئیر کی26ویں اننگز میں یہ اہم سنگ میل عبور کیا جبکہ بھارتی کرکٹر نے27اننگز میں مذکورہ ریکارڈ بنایا تھا۔ نیوزی لینڈ کیخلاف میچ میں بابر اعظم نے ٹی ٹوئنٹی کرکٹ میں آٹھویں نصف سنچری بھی اسکور کی ہے۔

واضح رہے کہ بابر اعظم ون ڈے میں بھی کئی ریکارڈ بناچکے ہیں، رواں سال ستمبر میں گرین ٹیم کے ٹاپ آرڈر بلے باز بابراعظم نے ایک اور کارنامہ اپنی ریکارڈ بک میں شامل کرتے ہوئے ون ڈے انٹرنیشنل میں تیز ترین دو ہزار رنز بنا ڈالے تھے، جس کے بعد نوجوان بلے باز کا نام ون ڈے کیرئر کی پینتالیسویں اننگز میں دو ہزار رنز کے کلب میں شامل کیا گیا۔

Comments

comments

یہ بھی پڑھیں