لاہور: نیشنل ہائی پرفارمنس سینٹر میں کنڈیشنگ کیمپ کا آغاز ہوگیا، بابراعظم کیوں غیر حاضر رہے؟ وجہ سامنے آگئی۔
تفصیلات کے مطابق نیشنل ہائی پرفارمنس سینٹر لاہور میں قومی کرکٹ ٹیم کے کنڈیشنگ کیمپ کا آغاز ہوگیا ہے، کیمپ کے ابتدائی روز تعارفی سیشن میں کوچز نے لیکچرز دیئے، بیٹنگ کوچ محمد یوسف، بولنگ کوچ شان ٹیٹ اور فیلڈنگ کوچ عبدالمجید نے کھلاڑیوں کو کیمپ کا مقصد واضح کیا۔
سابق کرکٹر مشتاق احمد اور این ایچ پی سی کے کوچ عمر رشید نے بھی تعارفی سیشن میں شرکت کی اور اس موسم میں کھلاڑیوں کو کنڈیشنگ کیمپ کی اہمیت کے بارے میں بتایا۔
فخر زمان، محمد حسنین اور محمد وسیم جونیئر نے کیمپ کے پہلے سیشن میں شرکت نہیں کی یہ تینوں کھلاڑی آج شام کیمپ جوائن کرلیں گے جبکہ کپتان بابر اعظم بیرون ملک مصروفیات اور زاہد محمود والدہ کی وفات کے باعث جمعہ کو کیمپ جوائن کریں گے۔
📸 The conditioning camp for the Men's cricketers commences today at the National High Performance Centre in Lahore 👏 pic.twitter.com/jGCxemPmEv
— Pakistan Cricket (@TheRealPCB) May 16, 2022
کیمپ کے دوسرے روز کھلاڑی نیٹ سیشنز میں شرکت کریں گے۔
واضح رہے کہ پاکستان کرکٹ بورڈ نے دو مرحلوں میں کنڈیشنگ کیمپ لگانے کا فیصلہ کیا ہے پہلا مرحلہ پچیس مئی تک جاری رہے گا جس میں ستائیس کھلاڑیوں کو مدعو کیا گیا ہے۔
