قومی ٹیم کے کپتان بابر اعظم کی اداکار فہد مصطفیٰ کے بیٹے موسیٰ کے ساتھ کرکٹ کھیلنے کی ویڈیو وائرل ہوگئی۔
تفصیلات کے مطابق قومی کرکٹ ٹیم کے کپتان بابراعظم نے فہد مصطفیٰ کے بیٹے کے ساتھ کرکٹ کھیل کر اُن کی خواہش پوری کردی۔
ویڈیو میں دیکھا جاسکتا ہے کہ موسیٰ بیٹنگ کررہے ہیں اور بابر اعظم انہیں بولنگ کروا رہے ہیں۔
فہد مصطفیٰ کی جانب سے اپنے سوشل میڈیا اکاؤنٹس ٹوئٹر اور انسٹاگرام پر ایک ویڈیو شیئر کی گئی ہے جس میں قومی ٹیم کے کپتان بابر اعظم اُن کے بیٹے موسیٰ کے ساتھ کرکٹ کھیلتے ہوئے نظر آ رہے ہیں۔
فہد مصطفیٰ نے اس ویڈیو کو انسٹا گرام پر شیئر کرتے ہوئے کیپشن میں لکھا ہے کہ ’میرا اسٹار بیٹا موسیٰ، موجودہ اسٹار اور پاکستان کے فخر بابر اعظم کے ساتھ۔۔‘
Dreams & wishes do come true. My star Moosa with present star and pride of Pakistan Babar Azam.@babarazam258 pic.twitter.com/2tjj45sn2y
— Fahad Mustafa (@fahadmustafa26) May 16, 2022
دوسری جانب ٹوئٹر پر انہوں نے اپنی خواہش کے پورے ہونے پر لکھا ہے کہ ’خواب اور خواہشیں ضرور پوری ہوتی ہیں۔‘
اس سے قبل کپتان بابر اعظم نے فاسٹ بولر شاہنواز دہانی کے خلاف اپنے بھائی کی بیٹنگ پریکٹس کی نگرانی کی اور ویڈیو بابر کے بھائی محفوظ اعظم کی جانب سے پوسٹ کیے جانے کے بعد وائرل ہوئی تھی۔
— safeer azam (@safeerazam10) May 14, 2022
کپتان نے بھائی کی بہتر تکنیک پر انہیں سراہا اور غلطیوں پر تنقید کرتے ہوئے خامیوں پر قابو پانے کے لیے مشورے دیے۔
