لاہور: آسٹریلیا کے خلاف دوسرے ون ڈے میچ میں قومی ٹیم کے کپتان بابر اعظم نے شاندار 114 رنز کی اننگز کھیلی اور کئی ریکارڈ اپنا کرلیے۔
قومی ٹیم نے دوسرے ون ڈے میچ میں آسٹریلیا کے خلاف تاریخی 349 رنز کا ہدف حاصل کیا اور مہمان ٹیم کو 6 وکٹوں سے شکست دی۔
گرین شرٹس کی جانب میں قومی ٹیم کے کپتان بابر اعظم اور امام الحق نے شاندار سنچریاں اسکور کرکے جیت میں اہم کردار ادا کیا۔
بابر اعظم بطور کپتان سب سے زیادہ سنچریاں اسکور کرنے والے پاکستانی کپتان بن گئے۔
بابر نے بطور کپتان 4 سنچریاں اسکور کیں اس سے قبل اظہر علی نے تین، شاہد آفریدی اور انضمام الحق نے دو، دو سنچریاں اسکور کی تھیں۔
Most Hundreds as Captain for Pakistan in ODIs:
Azhar Ali 3
Inzamam-ul-Haq 2
Shahid Afridi 2 #BoysReadyHain l #PAKvAUS pic.twitter.com/VKf4cS0LgQ— Pakistan Cricket (@TheRealPCB) March 31, 2022
بابر اعظم بطور کپتان آسٹریلیا کے خلاف سب سے زیادہ 114 رنز اسکور کرنے والے کھلاڑی بھی بن گئے۔
ان سے قبل عمران خان نے 1990 میں آسٹریلیا کے خلاف 82 رنز بنائے تھے جبکہ جاوید میانداد نے 74، انضمام الحق نے 72 اور محمد حفیظ نے 72 رنز اسکور کیے تھے۔
Babar Azam registers the highest score by a Pakistan captain vs Australia in ODIs. #BoysReadyHain l #PAKvAUS pic.twitter.com/PubSY7jpcv
— Pakistan Cricket (@TheRealPCB) March 31, 2022
بابر اعظم نے کم سے کم اننگز میں 15 ون ڈے سنچریاں اسکور کرنے کا ریکارڈ بھی اپنے نام کرلیا۔
بابر اعظم نے 83 اننگز میں 15 سنچریاں مکمل کیں، اس سے قبل جنوبی افریقا کے ہاشم آملہ نے 86 اننگز میں 15 سنچریاں اسکور کی تھیں۔
King Babar just keeps on breaking records
He continues to boss bowlers with his classy strokeplay #PAKvAUS #BabarAzam pic.twitter.com/WsL55ojseJ
— CricWick (@CricWick) March 31, 2022
