دبئی: قومی کرکٹ ٹیم کے کپتان بابراعظم ٹی ٹوئنٹی ورلڈکپ کے سیمی فائنل میں شکست کے بعد کھلاڑیوں کا حوصلہ بڑھانے لگے اور اہم پیغام جاری کردیا۔
تفصیلات کے مطابق کینگروز کے ہاتھوں ٹی ٹوئنٹی سیمی فائنل میں ہار کے بعد سماجی رابطے کی ویب سائٹ ٹوئٹر پر بابراعظم نے تمام کھلاڑیوں کی گروپ فوٹو شئیر کرتے ہوئے لکھا کہ اپنا سر بلند رکھیں، آپ متاثر کن تھے اور آپ نے چیمئینز کی طرح ایک بہترین کھیل پیش کیا۔
بابراعظم نے کھلاڑیوں کو حوصلہ دیتے ہوئے لکھا کہ مجھے اپنی ٹیم پر فخر ہے، انشا اللہ ہم یقینی طور پر اس تجربے سے سیکھیں گے اور مضبوطی سے واپس آئیں گے۔
Keep the head high, team. You were impressive and played like true champions. We will definitely learn from this experience and come back stronger, In sha Allah. Extremely proud of my pack. #Pakistan pic.twitter.com/ka5fdfYHzI
— Babar Azam (@babarazam258) November 11, 2021
اس سے قبل سیمی فائنل میں آسٹریلیا کے ہاتھوں شکست کے بعد پاکستان کے کپتان بابر اعظم نے ڈریسنگ روم میں کھلاڑیوں سے متاثر کن گفتگو کی جس کی ویڈیو سوشل میڈیا پر وائرل ہوگئی ہے۔
پاکستان کرکٹ بورڈ کےآ فیشل ٹوئٹر اکاؤنٹ پر بابر اعظم کی ایک ویڈیو شیئر کی گئی ہے جوکہ ڈریسنگ روم میں بنائی گئی تھی۔
اس ویڈیو میں بابر اعظم ٹیم کے کھلاڑیوں کا حوصلہ بُلند کرتے کہتے ہیں کہ شکست کے بعد ہم سبھی درد اور تکلیف میں ہیں کیونکہ ہم ایک میچ ہارے ہیں جس کی وجہ سے فائنل میں جانے سے رہ گئے
کپتان نے کہا کہ کسی ایک کھلاڑی کو شکست کی وجہ نہ ٹھہرائیں، یہ نہ بولیں کہ اس نے ایسا کردیا یا اُس نے ویسا کردیا، ہماری ٹیم کا اتحاد قائم رہنا چاہیے، اس بار ہم ہار گئے ہیں لیکن ہم نے اس شکست سے سیکھنا ہے اور مستقبل میں ان غلطیوں کو دہرانے سے گریز کرنا ہے۔
Babar Azam, Saqlain Mushtaq and Matthew Hayden are proud of their side despite a five-wicket defeat in #T20WorldCup semi-final. pic.twitter.com/kAem5PrWjj
— Pakistan Cricket (@TheRealPCB) November 11, 2021
