The news is by your side.

Advertisement

بابر اعظم کو انگلینڈ میں ٹی 20 بلاسٹ ٹورنامنٹ کھیلنے کی اجازت مل گئی

کراچی: قومی ٹیم کے مایہ ناز بیٹسمین بابر اعظم کو انگلینڈ میں ٹی 20 بلاسٹ ٹورنامنٹ کھیلنے کی اجازت مل گئی۔

تفصیلات کے مطابق ٹی 20 کرکٹ ٹیم کی کپتانی کرنے والے کھلاڑی بابر اعظم کو ٹی ٹوینٹی بلاسٹ کھیلنے کی اجازت مل گئی ہے، بابر اعظم وائٹیلٹی بلاسٹ 2020 میں سمر سیٹ کی نمائندگی کریں گے۔

بابر اعظم ایونٹ کے گزشتہ سیزن میں 578 رنز بنا کر ٹاپ اسکورر رہے تھے، جس میں 102 رنز کی شان دار سنچری بھی شامل تھی۔ وہ پاکستان اور انگلینڈ کی ٹی ٹوینٹی سیریز کے بعد 2 ستمبر سے اپنے معاہدے کے تحت انگلش کاؤنٹی سمرسیٹ جوائن کریں گے۔

بابر اعظم نے ایک اور سنگ میل عبور کر لیا

قومی کرکٹر اس سال کے سیزن میں 12 ٹی ٹوینٹی بلاسٹ میچز کے ساتھ ساتھ چار روزہ 2 میچز بھی کھیلیں گے۔

سمرسٹ کا حصہ بننے سے متعلق انھوں نے کہا تھا کہ وہ اس پر بہت خوش ہیں، سمر سیٹ کے پاس اچھا اسکواڈ ہے اور مجھے ان کے ساتھ کھیل کر اچھا لگتا ہے۔

مایہ ناز بیٹسمین بابر اعظم ٹیسٹ کرکٹ میں 2 ہزار رنز مکمل کر چکے ہیں، یہ کارنامہ انھوں نے 25 اگست کو انگلینڈ کے خلاف تیسرے ٹیسٹ میں ٹام بیس کو چوکا لگا کر انجام دیا۔

بابر نے 28 ویں میچ میں 2 ہزار رنز مکمل کیے ہیں، وہ ٹیسٹ کرکٹ میں 5 سنچریاں اور 14 نصف سنچریاں بنا چکے ہیں، وہ دنیا کے واحد بیٹسمین ہیں جو تینوں فارمیٹس میں ٹاپ 5 میں شامل ہیں، ٹی ٹوینٹی میں ان کا پہلا، ون ڈے میں دوسرا اور ٹیسٹ کرکٹ میں پانچواں نمبر ہے۔

Comments

یہ بھی پڑھیں