The news is by your side.

Advertisement

ٹی ٹوینٹی رینکنگ میں تنزلی ہوئی، کم بیک کریں گے، بابر اعظم

مانچسٹر: قومی ٹی ٹوینٹی اور ون ڈے ٹیم کے کپتان بابر اعظم کا کہنا ہے کہ امید ہے کہ مختصر فارمیٹ میں گرین شرٹس ضرور کم بیک کریں گے۔

تفصیلات کے مطابق قومی ون ڈے اور ٹی ٹوینٹی ٹیم کے کپتان بابر اعظم نے میڈیا سے گفتگو کرتے ہوئے کہا کہ ٹیم مینجمنٹ کے تجربے سے آئی سی سی ٹی ٹوینٹی ورلڈ کپ میں فائدہ ہوگا۔

بابر اعظم نے کہا کہ کچھ میچ ہارنے کے بعد رینکنگ میں تنزلی آئی لیکن یہ اتنا بڑا مسئلہ نہیں ہے، ہم نے کچھ تجربات کیے اور کئی کھلاڑیوں کو آزمایا ہے اب ہمارے پاس نوجوان اور تجربہ کار کھلاڑیوں کا اچھا کامبی نیشن موجود ہے۔

انہوں نے کہا کہ مجھے یقین ہے کہ ہم انگلینڈ کے خلاف ٹی ٹوینٹی سیریز میں عمدہ کارکردگی کا مظاہرہ کریں گے اور اپنی درجہ بندی میں بہتری لائیں گے۔

بابر اعظم کا کہنا تھا کہ میرے خیال میں ٹی ٹوئنٹی ورلڈ کپ اسی برس شیڈول کے مطابق ہونا چاہیے، بحیثیت کھلاڑی اور کپتان یہ میرا پہلا ورلڈ کپ ہے تو میں چاہوں گا کہ یہ ٹورنامنٹ ہو تاہم اس کے حوالے سے فیصلہ آئی سی سی نے کرنا ہے۔

انہوں نے کہا کہ دیکھتے ہیں کہ آئی سی سی کیا فیصلہ کرتی ہے جو بھی فیصلہ ہو گا ہمیں اس کے مطابق چلنا ہے۔

واضح رہے کہ قومی ٹیم ان دنوں انگلینڈ کے خلاف تین ٹیسٹ اور تین ٹی ٹوینٹی میچز کی سیریز کھیلنے کے لیے انگلینڈ میں موجود ہے، دونوں ٹیموں کے درمیان پہلا ٹیسٹ 5 اگست سے کھیلا جائے گا۔

fb-share-icon0
Tweet 20

Comments

comments

یہ بھی پڑھیں