کولمبو: ٹی ٹوئنٹی ورلڈکپ کے سب سے بڑے مقابلے پاک بھارت ٹاکرے سے قبل قومی ٹیم کے مایہ ناز بلے باز بابر اعظم کا اہم بیان سامنے آگیا ہے۔
ٹی ٹوئنٹی ورلڈکپ کا ہائی وولٹیج میچ کل پاکستان اور بھارت کے درمیان سری لنکا کے دارالحکومت کولمبو میں کھیلا جائے گا۔
کولمبو میں سری لنکا کے محکمہ موسمیات نے پاکستان اور بھارت کے میچ میں بارش کی پیشگوئی بھی کر رکھی ہے تاہم شائقین کرکٹ پرامید ہیں کہ اتوار کے روز ایک اچھا میچ دیکھنے کو ملے گا۔
️ Babar Azam on the highly anticipated match against India pic.twitter.com/QVhSUueuUY
— ESPNcricinfo (@ESPNcricinfo) February 14, 2026
قومی ٹیم کے بیٹر بابر اعظم کا بھارت سے میچ سے قبل ویڈیو بیان بھی سامنے آیا ہے جس میں اُن کا کہنا ہے کہ پاکستان اور بھارت کے درمیان میچ ہمیشہ ہی بہت زیادہ شدت والا ہوتا ہے، ناصرف دونوں ممالک کے لوگ بلکہ پوری دنیا کی نظریں اس میچ پر ہوتی ہیں جس کی وجہ سے میچ ایک مختلف لیول پر چلا جاتا ہے اور شائقین کرکٹ کی اپنے اسٹارز سے توقعات بھی بڑھ جاتی ہیں۔
قومی ٹیم کے سابق کپتان کا کہنا تھا کہ میں ایسے بہت سے میچز کا حصہ رہا ہوں اور میں نے یہ سیکھا ہے کہ اس میچ کے لیے جتنا خود کو ٹھنڈا رکھیں گے، آرام دہ رکھیں گے اور باہر کی آوازوں پر توجہ دینے کے بجائے میچ پر فوکس رکھیں گے تو اتنا اچھا پرفارم کریں گے۔
ٹی20 ورلڈ کپ: پاک بھارت ٹاکرے سے قبل پاکستان کا بھرپور ٹریننگ سیشن
سابق کپتان کا کہنا تھا کہ البتہ اس میچ کا جوش ہوتا ہے، لیکن کھلاڑی جتنا خود کو ٹینشن فری رکھیں گے اتنا ان کے لیے بہتر ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں