The news is by your side.

Advertisement

‘جب تک ہم ہیں بابراعظم کپتان رہیں گے’

پاکستان کرکٹ بورڈ کے چیف ایگزیکٹو وسیم خان کا کہنا ہے کہ جب تک وہ اور احسان مانی بورڈ میں موجود ہیں بابراعظم قومی ٹیم کے کپتان رہیں گے۔

یوٹیوب چینل کو دیے گئے انٹرویو میں چیف ایگزیکٹو وسیم خان نے کہا کہ کورونا کے بڑھتے کیسز کے باعث آئندہ سال ٹی ٹوئنٹی ورلڈ کپ بھارت سے متحدہ عرب امارات منتقل ہونے کا امکان ہے تاہم صورتحال اپریل تک کلئیر ہوجائے گی۔

انہوں نے کہا کہ میگا ایونٹ کو لے کر بے یقینی کی صورتحال برقرار ہے کیونکہ کورونا بھارت میں بڑھ رہا ہے اسی وجہ سے ہو سکتا ہے ورلڈکپ بھارت سے منتقل ہو جائے۔

وسیم خان نے مزید کہا کہ پی ایس ایل سکس کا ڈرافٹ جنوری کے پہلے ہفتے میں ہوگا اور ایونٹ کا انعقاد فروری میں شیڈول ہے۔

ایک سوال پر وسیم خان کا کہنا تھا کہ جب تک وہ اور احسان مانی بورڈ میں موجود ہیں بابراعظم قومی ٹیم کے کپتان رہیں گے۔

Comments

یہ بھی پڑھیں