سنچورین: قومی ٹیم کے کپتان بابراعظم آئی سی سی کی تازہ ترین ایک روزہ درجہ بندی میں نمبر ون پر آگئے ہیں اور انہوں نے پانچ سال بعد بھارتی کپتان ویرات کوہلی کو پیچھے چھوڑ دیا ہے۔
اس سنگ میل کو عبور کرنے پر بابراعظم خوشی سے نہال ہے، آئی سی سی درجہ بندی پر پہلی پوزیشن حاصل کرنے پر بابراعظم نے ساتھی کرکٹر امام الحق کو خصوصی انٹرویو دیا اور کئی اہم باتوں سے پردہ اٹھایا۔
پاکستان کرکٹ بورڈ نے بابراعظم کی جانب سے دئیے امام الحق کو دئیے گئے انٹرویو کو شیئر کیا ہے، انٹرویو میں بابراعظم نے کہا کہ نمبر ون رینکنگ حاصل کرنا میرے لیے اعزاز کی بات ہے، اپنے کھیل میں نکھار لانے کے لئے ہمیشہ انضمام الحق،محمدیوسف جیسےکھلاڑیوں سے رہنمائی لیتا ہوں۔
بابراعظم نے بتایا کہ گیند کو لیٹ کھیلنا کین ولیمسن سےسیکھا جبکہ ویرات کوہلی نے نیٹ سیشنز میں میچ سینیریو کی پریکٹس کا مشورہ دیا، نیٹ سیشن میں اچھی بیٹنگ نہ ہوسکےتوسارا دن برا گزرتا ہے۔
امام الحق کو دئیے گئے انٹرویو میں بابراعظم نے اس سفر میں میرے والدین اور ساتھی کرکٹرز کا ساتھ دینے پر شکریہ ادا کرتے ہوئے بڑا انکشاف کیا کہ اگر کسی میچ میں غلط کھیلتے ہوئے آؤٹ ہوجاتا ہوں تو والد صاحب کی جانب سے ڈانٹ پڑتی ہے۔
PCB Exclusive: Babar Azam had a frank and candid conversation with his childhood friend Imam-ul-Haq after he became the No.1 ranked ODI batsman.
To view, visit: https://t.co/Pr9TVeONS6 pic.twitter.com/wWuaDEVPyR
— Pakistan Cricket (@TheRealPCB) April 14, 2021
آئی سی سی کی جانب سے جاری نئی رینکنگ کے مطابق قومی ٹیم کے کپتان اور مایہ ناز مڈل آرڈر بلے باز بابراعظم 865 پوائنٹس کے ساتھ پہلے نمبر پر براجمان ہوگئے، دوسرے نمبر پر بھارتی کپتان ویرات کوہلی ہے جن کے 857 پوائنٹس ہیں، بھارت کے روہت شرما تیسرے جبکہ نیوزی لینڈ کے روز ٹیلر چوتھے جبکہ آسٹریلیا کے ایرون فنچ پانچویں پوزیشن پر موجود ہیں۔
اس کے ساتھ ہی بابر اعظم یہ اعزاز حاصل کرنے والے چوتھے پاکستانی بیٹسمین بنے، اس سے قبل ظہیر عباس،جاوید میانداد اور محمدیوسف بھی آئی سی سی ون ڈے رینکنگ میں نمبر ون پر رہ چکے ہیں۔
