The news is by your side.

Advertisement

بنگلادیش کیخلاف تاریخی فتح پر بابراعظم کا اہم بیان

قومی ٹیم کے کپتان بابراعظم نے بنگلادیش کے خلاف شاندار فتح کو ٹیم ورک کا نتیجہ قرار دیتے ہوئے کارکردگی ‏کے تسلسل کو برقرار رکھنے کا عزم کیا ہے۔

بنگلادیشی سرزمین پر ہوم ٹیم کو وائٹ واش کرکے تاریخ رقم کرنے والی گرین شرٹس کے کپتان نے کہا کہ ہر ‏کھلاڑی نے اپنے حصے کا کام کیا سب نے محنت کی اور اس فتح کا کریڈٹ بھی پوری ٹیم کو جاتا ہے۔

انہوں نے کہا کہ کوشش کریں گے اپنی غلطیوں کو نہ دہرائیں ہماری فیلڈنگ میں بہت بہتری آئی ہے اور مڈل آرڈر ‏بھی میچ جتوا رہا ہے بنگلادیش کیخلاف شاندارفتح ٹیم ورک کا نتیجہ ہے۔

بنگلا دیشی کپتان کی چال بازی، منہ کی کھانا پڑ گئی

کپتان بابراعظم کا کہنا تھا کہ اسی اعتماد کےساتھ بنگلادیش کے خلاف ٹیسٹ سیریز کھیلیں گے اور کامیابی کے ‏تسلسل کو برقرار رکھنے کی کوشش کریں گے۔

گرین شرٹس کے کپتان نے تماشائیوں کا شکریہ ادا کرتے ہوئے کہا کہ سپورٹ کرنے پر فینز کا بہتر شکریہ۔

شاہینوں نے بنگال ٹائیگرز کو تینوں میچ میں کلین سوئپ کیا، قومی ٹیم نے میزبان کھلاڑیوں کو سیریز میں دھوم ‏چٹا دی۔ بنگلادیش پہلی بار ہوم ٹی ٹوئنٹی سیریز تین صفر سے ہارا۔

Comments

یہ بھی پڑھیں