کرپشن کے الزام میں بابرغوری اور ہمایوں خان کیخلاف تحقیقات کا آغاز -
The news is by your side.

Advertisement

کرپشن کے الزام میں بابرغوری اور ہمایوں خان کیخلاف تحقیقات کا آغاز

اسلام آباد : سابق وفاقی وزیر بابرغوری اور کراچی سے مسلم لیگ ن کے رکن سندھ اسمبلی ہمایوں خان کے خلاف نیب میں اختیارات کے غیرقانونی استعمال، اقربا پروری اور کرپشن کے الزام میں تحقیقات شروع کردی گئی ہے۔

نیب ذرائع کے مطابق سابق وفاقی وزیر پورٹ اینڈ شپنگ بابر خان غوری کے خلاف غیر قانونی بھرتیوں پر تحقیقات سابق جی ایم ایچ آر کے پی ٹی رؤف اختر فاروقی سے تحقیقات کے بعد شروع کی گئی اورانہیں شریک ملزم قراردیدیا گیا۔

ذرائع کے مطابق سابق وفاقی وزیر نے اپنے دور اقتدار میں تین ہزار ملازمین صرف کراچی کے ایک ڈسٹرکٹ سینٹرل سے عارضی بنیادوں پر بھرتی کئے اور بعد میں انہیں وزیراعظم کے بغیر مستقل کردیا گیا۔

ایک اور نیب کیس میں سابق وفاقی وزیر بابرغوری اورمسلم لیگ کے رکن سندھ اسمبلی ہمایوں خان کے خلاف تحقیقات جاری ہے جس میں کے پی ٹی کی بارہ ہزار ایکڑ زمین پر قبضہ کا معاملہ ہے ۔

دونوں پر الزام ہے کہ زمین پر قبضے میں وہ ملوث ہیں، اور من پسند افراد کو الاٹ منٹ دی گئی ، تحقیقات کے بعد نیب کی جانب سے باضابطہ طور پر ریفرنس فائل کیا جائے گا۔

 

Comments

comments

یہ بھی پڑھیں