site
stats
سندھ

دبئی میں موجودگی کی خبریں بے بنیاد ہیں، بابرغوری

لندن : ایم کیوایم کے رہنما بابرغوری نے کہا ہے کہ ان کی دبئی میں موجودگی سے متعلق خبریں بے بنیاد ہیں، وہ لندن سیکریٹریٹ میں تنظیمی کاموں میں مصروف ہیں۔

انہوں کہا کہ پاکستان میرا ملک ہے میں ضرور واپس آؤں گا۔ یہ بات انہوں نے اے آروائی نیوز سے خصوصی گفتگو کرتے ہوئے کہی۔

بابر غوری کا کہنا تھا کہ ان افواہوں کی پیچھے کون لوگ ہیں یہ سمجھ نہیں آرہا ،انہوں نے مطالبہ کیا کہ وزیراعظم نواز شریف اور چیف جسٹس آف پاکستان افواہیں پھیلانے والوں کیخلاف ایکشن لیں۔

واضح رہے کہ گزشتہ روزبعض میڈیا چینلز پرمتحدہ قومی موومنٹ کے رہنما بابرغوری کی دبئی میں گرفتاری کی خبریں سامنے آرہی تھیں، جس کے جواب میں  ایم کیو ایم کے ترجمان کا کہنا ہے کہ بابر غوری کے بارے میں میڈ یا پر آنے والی خبریں بے بنیاد ہیں ،بابر غور ی لندن میں ہی ہیں اور انہیں کسی نے گرفتار نہیں کیا ۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top