The news is by your side.

Advertisement

سرفراز اور بابر کی ٹیموں کے ’آئسکریم میچ‘ کی ویڈیو وائرل

کراچی: آسٹریلیا کے خلاف کل سے شروع ہونے والے کراچی ٹیسٹ سے قبل قومی کھلاڑیوں نے آپشنل ٹریننگ سیشن میں ہلا گلا کیا جس کی ویڈیو پی سی بی نے شیئر کردی۔

تفصیلات کے مطابق کراچی کے نیشنل اسٹیڈیم میں آپشنل ٹریننگ سیشن میں کپتان بابر اعظم اور سابق کپتان سرفراز احمد نے اپنی اپنی ٹیمیں بنائیں اور آئسکریم کی شرط لگا کر فٹبال میچ کھیلا۔

ویڈیو میں سرفراز احمد کو کہتے سنا جا سکتا ہے کہ ٹیسٹ میچ سے ایک روز قبل پریکٹس کا آپشنل دن ہوتا ہے اور اس روز ہم آپس میں کھیلتے ہیں اور آج کا مدعا آئس کریم آئس کریم ہے، جو ٹیم جیتے گی وہ آئس کریم کھائے گی۔

حارث رؤف اور حسن علی سرفراز کی مداخلت پر سرفراز احمد نے مزاحیہ انداز میں کہا کہ میں نے اپنی ٹیم میں پلاٹینم کھلاڑیوں کو شامل کیا ہے، اگر ہم ہارے تو یہی لوگ ذمہ دار ہوں گے۔

بابر اعظم کے ساتھ گفتگو کرتے ہوئے سرفراز احمد کا کہنا تھا کہ کپتان صاحب آج میچ ہارنے کے بعد ہمیں آئس کریم کھلائیں گے، جس پر بابر اعظم نے کہا کہ میری ٹیم میں شاہین ہے، شان مسعود اور محمد رضوان ہیں۔

ویڈیو میں قومی ٹیم کے کھلاڑیوں کو آپس میں فٹبال کھیلتے دیکھا جا سکتا ہے۔

بعدازاں پاکستان کرکٹ بورڈ کی جانب سے قومی کھلاڑیوں کی آئس کریم کھانے کی تصاویر بھی شیئر کی گئیں لیکن یہ نہیں بتایا گیا کہ یہ میچ جیتا کون ہے۔

Comments

یہ بھی پڑھیں