site
stats
کھیل

کراچی کنگز پی ایس ایل کی مضبوط ٹیم ہے، بابر اعظم

کراچی: کراچی کنگز کے بیٹسمین بابر اعظم نے کہا ہے کہ ہماری ٹیم پی ایس ایل کی سب سے مضبوط ٹیم ہے کیونکہ اس میں تجربہ کار کھلاڑی شامل ہیں، دوسرے ایڈیشن میں کراچی کنگز نے موقع دیا ہے تو میں بھی مداحوں کی امید پر پورا اترنے کی کوشش کروں گا۔

ان خیالات کا اظہار انہوں نے کراچی ائیرپورٹ پر دبئی راونگی سے قبل نمائندہ اے آر وائی علی حسن کو خصوصی انٹرویو دیتے ہوئے کیا۔ بابر اعظم نے کراچی کنگز کا حصہ بننے پر خوشی کا اظہار کرتے ہوئے کہا کہ پہلے ایڈیشن میں ان فٹ ہونے کے باعث اچھی کارکردگی نہیں رہی مگر کراچی کنگز نے موقع دیا تو اپنی پرفارمنس سے اچھے نتائج دینے کی کوشش کروں گا۔

’’ کراچی کنگز کا حصہ بننے پر بابر اعظم کا کہنا تھا کہ مجھے بہت کافی خوشی ہے کیونکہ اس ٹیم میں تجربہ کار کھلاڑی ہیں جن کے ساتھ کھیلنے میں نہ صرف مزہ آئے گا بلکہ بہت کچھ سیکھنے کو بھی ملے گا‘‘۔

baber-2

پاکستان سپر لیگ میں کراچی کنگز کی پوزیشن پر بابر اعظم نے کہا کہ ہماری ٹیم دیگر کے مقابلے میں بہت مضبوط ہے کیونکہ ایسے سنیئر کھلاڑی ہماری ٹیم کا حصہ ہیں جنہوں نے کرکٹ کی تاریخ میں عمدہ کارکردگی کا مظاہرہ کیا۔ انہوں نے امید ظاہر کی کہ ہماری ٹیم نہ صرف فائنل تک پہنچے گی بلکہ ہم ٹرافی بھی جیتیں گے۔

baber-3

یاد رہے کہ بابراعظم پاکستان سپر لیگ کے پہلے ایڈیشن میں اسلام آباد یونائیٹڈ کا حصہ تھے لیکن ان فٹ ہونے کی وجہ سے زیادہ میچز کھیلنے سے محروم رہے تاہم دوسرے ایڈیشن میں وہ کراچی کنگز کے اہم رکن بن کر سامنے آرہے ہیں۔

baber-1

واضح رہے بابر اعظم نے سال دوہزار  پندرہ سے ون ڈے ٹیم کی نمائندگی کرتے ہوئے 23 میچز میں برق رفتاری سے ایک ہزار ایک سو اڑسٹھ رنز بنائے جن میں چار سنچریاں اور چھ نصف سنچریاں بھی شامل ہیں۔

baber-4

کراچی کنگز کا حصہ بننے والے کھلاڑی بابر اعظم نے یواے ای سیریز میں ویسٹ انڈیز کیخلاف لگاتار تین سنچریاں اسکور کی تھیں اور آسٹریلیا کے خلاف سیریز میں بابر اعظم کی کارکردگی قوم کی توجہ کا مرکز  رہی تھی علاوہ ازیں ٹی ٹوئنٹی کرکٹ میں وہ چار میچز کھیلتے ہوئے ایک نصف سنچری کیساتھ کُل ایک سو سولہ رنز بناچکے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top