سابق کپتان پاکستان کرکٹ ٹیم بابر اعظم کی ناکامیوں کا سلسلہ جاری ہے، وہ جنوبی افریقہ کے خلاف پہلے ون ڈے میں عجیب طرح آؤٹ ہوئے۔
پاکستان کی جنوبی افریقہ کے خلاف ہدف کے تعاقب میں بیٹنگ جاری تھی، اس دوران بابر اعظم 38 گیندوں پر 23 رنز پر بیٹنگ کررہے تھے، سابق پاکستانی کپتان نے ایک فلک شاٹ کو غلط انداز میں کھیلا اور پروٹیز بولر اوٹنیل بارٹمین کے ہاتھوں آؤٹ ہوگئے۔
اس سے قبل تین میچوں کی سیریز کے پہلے ون ڈے میں جنوبی افریقہ نے پہلے کھیلتے ہوئے 9 وکٹوں کے نقصان پر 239 کے مجموعہ ترتیب دیا۔
ہینرک کلاسن نے 97 گیندوں پر 86 رنز کی شاندار اننگز کھیل کر اپنی ٹیم کو قابل احترام ٹوٹل تک پہنچا دیا، تاہم پاکستانی بیٹنگ روایتی طور پر لڑکھڑا گئی، اوپنر عبداللہ شفیق کو فاسٹ بولر مارکو جانسن نے چار گیندوں پر صفر پر آؤٹ کیا۔
پھر ذمہ داری سینئر بلے باز بابر اعظم کے کندھوں پر آگئی، تاہم وہ اپنی اننگز میں چند شارٹس پراعتماد انداز میں کھیل پائے، اس کے علاوہ وہ خاص تاثر چھوڑنے میں ناکام رہی۔
باؤنڈری مارنے کی مایوس کن کوشش میں بابر اعظم نے بارٹمین کو منصوبہ بندی کرکے نشانہ بنایا اور بابر اعظم کو اپنی غلطی کا خمیازہ آؤٹ ہونے کی صورت میں بھگتنا پڑا۔
