جمعہ, فروری 7, 2025
اشتہار

بابوسر میں سیاحوں کو لوٹنے کا افسوس ناک واقعہ، گاڑی بھگانے والا ڈرائیور جاں بحق

اشتہار

حیرت انگیز

چلاس: بابوسر میں سیاحوں کو لوٹنے کا ایک افسوس ناک واقعہ پیش آیا ہے جس میں گاڑی بھگانے کے دوران گولی لگنے سے ڈرائیور جاں بحق ہو گیا۔

تفصیلات کے مطابق مشہور سیاحتی مقام بابوسر میں گاڑی نہ روکنے پر ڈاکوؤں کی فائرنگ سے ایک شخص جاں بحق ہو گیا، مقامی پولیس کے مطابق مقتول کی شناخت محمد راشد کے نام سے ہوئی جس کا تعلق پنجاب سے ہے۔

ڈاکوؤں نے واردات کے لیے پتھر رکھ کر سڑک بلاک کر رکھی تھی، ڈرائیور نے خطرہ بھانپ کر کار ریورس کی تو ڈاکوؤں نے فائر کھول دیا، جو ڈرائیور کے لیے جان لیوا ثابت ہوا، اس وقت کار میں ڈرائیور کے علاوہ 6 افراد سوار تھے۔

وزیر اعلیٰ گلگت بلتستان نے سیاحتی مقام بابوسر میں سیاح کی ہلاکت کا نوٹس لیتے ہوئے گلگت بلتستان پولیس اور انتظامیہ کو مجرموں کو 48 گھنٹوں میں گرفتار کرنے کا حکم دے دیا۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں