site
stats
پاکستان

اسپتال عملے کا علاج سے انکار، چنگ چی رکشا میں بچے کی پیدائش

گوجرانوالہ: پنجاب کے علاقے گوجرانوالہ میں اسپتال عملے کی مبینہ غلفت کے باعث خاتون نے سول اسپتال کے باہر موٹر سائیکل رکشا میں بچے کو جنم دے دیا۔

تفصیلات کے مطابق الیاس کالونی کی رہائشی 32 سالہ سدرہ کو اہل خانہ زچگی کے لیے اسپتال لائے تو ڈاکٹر نے خاتون کا علاج نہیں کیا اور مریضہ کو گھر روانہ کردیا۔

اسپتال عملے کی جانب سے اجازت ملنے کے بعد غریب مریضہ جیسے ہی گھر کے لیے موٹرسائیکل رکشا میں روانہ ہوئی تو اُسے درد کی شدت کا احساس ہوا اور طبیعت خراب ہونے لگی۔

سول اسپتال کے باہر کھڑے چنگ چی ڈرائیور اور قریبی کھڑے افراد نے اسپتال عملے کو صورتحال سے آگاہ کیا تو انتظامیہ نے مریضہ کا علاج کرنے سے صاف انکار کردیا اور نہ ہی زچگی کے لیے عملے کو بھیجا۔

اسپتال انتظامیہ کی بے حسی کو دیکھ کر چنگ چی کےمالک اور شہریوں نے موٹرسائیکل رکشا کو پردے سے ڈھانپ دیا اور اس دوران خاتون نے بچے کو جنم دیا، جس کے بعد بھی اسپتال عملے نے مریضہ کو داخل نہ کیا اور گھر روانہ کردیا۔

ویڈیو دیکھیں

اہل خانہ کا کہنا ہے کہ ڈاکٹرز کی منت سماجت کرتے رہے مگر کسی نے کوئی توجہ نہیں دیا اور ایمرجنسی کے باوجود لیبر روم میں داخل نہیں کیا گیا۔ دوسری جانب ایم ایس نے اسپتال عملے کی مبینہ غلفت پر نوٹس لیتے ہوئے رپورٹ طلب کرلی۔

پڑھیں: سکھر: خاتون نے رکشا میں بچی کوجنم دے دیا، آکسیجن نہ ہونے پر نومولود جاں‌ بحق

اہل خانہ کا کہنا ہے کہ بچے اور ماں کی طبیعت بہتر ہے، انہوں نے رحم دل چنگ چی مالک کا شکریہ ادا کیا کہ اُس نے زچگی کے لیے اپنی گاڑی فراہم کی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top