لندن : سینے سے باہر دل کے ساتھ پیدا ہونے والی بچی کا آپریشن کرکے ڈاکٹرز بچی کی زندگی بچانے میں کامیاب ہوگئے۔
تفصیلات کے مطابق برطانیہ میں لیسٹر کے گلین فیلڈ ہسپتال میں رہائشی جوڑے کے ہاں وقت سے پہلے بچی کی پیدائش ہوئی، جس کا دل جسم کے باہر تھا اور سینے کی ہڈیاں نہیں تھی۔
خیال کیا جارہا تھا کہ بچی کا زندہ رہنا مشکل ہوگا لیکن بچے کے والدین نے امید کا دامن ہاتھ سے نہیں چھوڑا۔
برطانیہ کے شہر لیسٹر میں بچی کی پیدائش کے ایک گھٹنے بعد آپریشن کیا گیا ہے، پہلے بچّی کے سینے میں مصنوعی پسلیاں لگائی گئیں۔
ڈاکٹروں کا کہنا ہے کہ پیدائش کے فوراً بعد بچی کے دل کو اس کی معمول کی جگہ پر رکھنے کے لیے پہلا آپریشن ہوا جبکہ باقی آپریشن بچی کی اپنی جلدسے ان کے سینے کے سوراخ کو بھرنے کے لیے کیا گیا ہے۔
آپریشن کے زریعے ڈاکٹرز بچی کی زندگی بچانے میں کامیاب ہوئے۔
خیال رہے کہ برطانیہ میں اپنی نوعیت کا پہلا آپریشن ہے اور اس آپریشن میں تقریبا ڈاکٹروں ، معاونین اور نرسوں سمیت تقریبا 50 افراد شامل تھے ، اس کا مقصد بچی کے دل کو سینے کے اندر منتقل کرنا تھا۔
