حمزہ شہباز کے ہاں بچی کی پیدائش، نومولود بچی کی حالت نازک -
The news is by your side.

Advertisement

حمزہ شہباز کے ہاں بچی کی پیدائش، نومولود بچی کی حالت نازک

لندن: پنجاب اسمبلی میں اپوزیشن لیڈر حمزہ شہباز کے ہاں بچی کی پیدائش ہوئی ہے، تاہم نومولود بچی کی حالت ڈاکٹروں نے نازک قرار دے دی۔

تفصیلات کے مطابق پاکستان مسلم لیگ ن کے رہنما اور شہباز شریف کے صاحب زادے حمزہ شہباز کے ہاں ایک بچی کی پیدائش ہوئی ہے، نومولود بچی عارضہ قلب میں مبتلا ہے۔

نومولود بچی عارضہ قلب میں مبتلا ہے۔

اسپتال ذرائع

ذرائع نے کہا ہے کہ ڈاکٹروں نے بچی کی زندگی بچانے کے لیے والدین کو فوری آپریشن کرانے کی ہدایت کی ہے۔

اسپتال ذرائع کے مطابق نومولود بچی کو پیدائش کے فوراً بعد انتہائی نگہداشت یونٹ منتقل کر دیا گیا ہے، ڈاکٹروں نے حمزہ شہباز کی نومولود بچی کو آئی سی یو میں ہی رکھنے کا فیصلہ کیا ہے۔

ذرائع نے بتایا کہ ڈاکٹروں نے پیدائش سے قبل ہی فیملی کو بچی کی غیر معمولی سیریس حالت کا بتا دیا تھا، حمزہ شہباز کو بھی بچی کی پیدائش سے پہلے اس کی حالت بتا دی گئی تھی۔

یہ بھی پڑھیں:  حمزہ شہبازشریف لندن روانہ ہوگئے

خیال رہے کہ حمزہ شہباز 3 فروری کو لندن آئے جہاں انھیں 13 فروری تک رہنے کی اجازت ہے، انھیں 27 نومبر کو لندن آنا تھا، تاہم ای سی ایل میں نام ہونے کے باعث نہ پہنچ سکے۔

حمزہ شہباز لاہور ہائی کورٹ کو بیرون ملک روانگی سے متعلق آگاہ کرنے کے بعد لندن کے لیے روانہ ہوئے تھے، انھوں نے اپنا نام بلیک لسٹ میں شامل ہونے کے خلاف لاہور ہائی کورٹ سے رجوع کیا تھا جس پر عدالت نے ان کا نام ای سی ایل سے نکالنے کا حکم جاری کیا تھا۔

Comments

comments

یہ بھی پڑھیں