سوشل میڈیا پر غباروں کے ساتھ اڑنے والی ایک ننھی بچی نے سب کو پہلے حیران اور پھر ہنسنے پر مجبور کردیا۔
سماجی رابطے کی ویب سائٹ ٹویٹر پر اپ لوڈ کی گئی ایک ویڈیو میں ایک خاتون موجود ہے جو گھر میں گیٹ ٹوگیدر کے لیے گھر کو سجا رہی ہے۔
اچانک اس کی نظر اپنی شیر خوار بچی پر پڑتی ہے، بچی کی پشت پر غبارے بندھے ہوتے ہیں اور وہ ہوا میں اڑ رہی ہوتی ہے۔
یہ منظر دیکھ کر ماں چیختی ہے اور بے اختیار بچی کی طرف بھاگتی ہے، اسی لمحے بچی کے پیچھے سے دو ہاتھ نکلتے ہیں اور بچی کو تھام لیتے ہیں جس کے بعد پیچھے کمرے سے بچی کا باپ ہنستا ہوا نمودار ہوتا ہے۔
بچی کے بچنے پر ماں بے اختیار سکون کی سانس لیتی ہے۔
The baby is flying! 😂🔊 pic.twitter.com/5YiFEH5qHt
— Mack & Becky Comedy (@MackBeckyComedy) August 4, 2021
اس ویڈیو کو سوشل میڈیا پر 50 لاکھ سے زائد افراد نے دیکھا، بعض صارفین کا کہنا تھا کہ پہلی نظر میں انہیں وہ ایک گڑیا معلوم ہوئی جو ہوا میں اڑ رہی تھی۔
بعض افراد نے بچی کے باپ کو اس کی لاپرواہی پر تنقید کا نشانہ بھی بنایا۔
