انقرہ: ترکش ایئرلائن کی استنبول جانے والی پرواز کے دوران فرانسیسیی خاتون نے بچی کو جنم دے دیا۔
تفصیلات کےمطابق ترکش ایئر لائن کی پرواز افریقہ کے مغربی ملک گینی سے برکینا فاسو جانے والی پرواز کے دوران ایک خاتون نے بچے کو جنم دے دیا۔
ترکش ایئرلائن کی پروازگینی کے شہرکوناکرے سے برکینا فاسو کے دارلحکومت آؤگا جا رہی تھی کہ ایک خاتون کو درد کی شکایت ہوئی جس پر جہاز کےعملے نے فوری طور پر خاتون کو مدد فراہم کی۔
ترکش ایئرلائن کا طیارہ 42 ہزارفٹ کی بلندی پرتھا جب نافی ڈیبی نامی خاتون کے ہاں بچی کی پیدائش ہوئی۔ بچی کی پیدائش کےلیےترکش ایئرلائن کی فضائی میزبانوں نے دائی کے فرائض انجام دیے۔
بچی کی پیدائش کےبعدپرواز لینڈ کرنے پردونوں ماں بیٹی کو اسپتال میں داخل کروادیا گیا جہاں دونوں کی حالت خطرے سے باہر بتائی جارہی ہے۔
دوران پرواز ہوائی جہاز میں بچی کی پیدائش
یاد رہےکہ گزشتہ سال 18 اگست کودبئی سے فلپائن جانے والے ایک مسافر بردار ہوائی جہاز میں ایک خاتون کے ہاں بچی کا جنم ہوا تھا جس پر جہاز کو بھارت کےشہر حیدرآباد میں ہنگامی طور پر لینڈ کرنا پڑا تھا۔
واضح رہےکہ بھارتی حکام نے بچی کو جنم دینے والی خاتون کو تین روز کے لیے عارضی قیام کے لیے ویزہ جاری کیا تھا۔
