گوئٹے مالا سٹی: وسطی امریکا کے ملک گوئٹے مالا سٹی میں آتش فشاں پھٹنے سے تباہ کاریاں جاری ہیں، امدادی کارکنوں نے چند ماہ کی معصوم بچی کو زندہ بچالیا۔
غیر ملکی خبر رساں ادارے کے مطابق گوئٹے مالا سٹی میں آتش فشاں پھٹنے سے ہلاکتوں کی تعداد 75 سے تجاوز کر گئی ہے، امدادی کارکنوں نے راکھ کے ڈھیر سے بچی کو زندہ بچالیا۔
گوئٹے مالا نیشنل سول پولیس کے مطابق امدادی کارکنوں نے راکھ کے ڈھیر میں دبے گھر سے بچی کو زندہ بچالیا ہے جبکہ گھر میں موجود دیگر افراد کو بھی باحفاظت نکال لیا گیا ہے۔
A baby is found and rescued from the remains of a home destroyed by the Guatemala volcano eruption pic.twitter.com/vQLwm2V1a0
— Sky News (@SkyNews) June 6, 2018
واضح رہے کہ دارالحکومت گوئٹے مالا سٹی سے چالیس کلو میٹر دور آتش فشاں فیوگو پھٹنے سے ہلاکتوں کی تعداد 75 سے تجاوز کر گئی ہے، حکام کے مطابق 200 کے قریب لوگ تاحال لاپتہ ہیں۔
خیال رہے کہ آتش فشاں پھٹنے کے سبب ریسکیو ٹیموں نے قرب و جوار کے رہائشیوں سے مکانات خالی کرالئے تھے اور انہیں محفوظ مقام پر منتقل کردیا گیا تھا جبکہ کسی بھی امداد کی فراہمی کے لیے پولیس اہلکار جائے وقوعہ پر موجود ہیں۔
یاد رہے کہ اتوار کی صبح آتش فشاں پھٹنے سے آگ کی بارش نے گھروں میں سوئے ہوئے لوگوں کو جھلسا دیا تھا، جس کے نتیجے میں تین بچوں سمیت متعدد افراد ہلاک ہوگئے تھے اور ہزاروں افراد نے نقل مکانی کی تھی۔