ڈھائی سالہ بچی کا قتل : خاتون کے شوہر اور والد سے بھی پوچھ گچھ کی جائے گی -
The news is by your side.

Advertisement

ڈھائی سالہ بچی کا قتل : خاتون کے شوہر اور والد سے بھی پوچھ گچھ کی جائے گی

کراچی : اپنی ڈھائی سالہ معصوم بچی کو سمندر میں پھینکنے والی ماں کے ساتھ باپ اور نانا کو بھی شامل تفتیش کیا جائے گا، پولیس نے ملزمہ کا تین روزہ ریمانڈ حاصل کرلیا۔

تفصیلات کے مطابق کراچی کےعلاقے کلفٹن میں اپنی پھول جیسی کمسن ڈھائی سالہ بیٹی انعم کو سمندر میں ڈبو کرقتل کرنے کے الزام میں گرفتار ماں کے ساتھ والد اور نانا کو بھی شامل تفتیش کرنے کا فیصلہ کیا گیا ہے۔

اس بات کی تحقیقات ہوگی کہ پڑھی لکھی ماں کن حالات و واقعات کے تحت یہ سب کرنے پر مجبور ہوئی، اس حوالے سے ایس ایس پی انویسٹی گیشن طارق دھاریجو کا کہنا ہے کہ ملزمہ کا تین روزہ ریمانڈ حاصل کرلیا گیا ہے، شوہر اور دیگر گھر والوں کو بھی شامل تفتیش کیا جائے گا۔

طارق دھاریجو نے مزید بتایا کہ شکیلہ کے شوہر اور گھر والوں سے بیان کے لیے رابطہ کیا ہے، امکان ہے کہ وہ آج بیان دینےآئیں گے، گزشتہ روز بچی کی ماں شکیلہ نے شوہر اور اپنے میکے والوں پر گھر میں جگہ نہ دینےکا الزام لگایا تھا۔

مزید پڑھیں: کراچی، ماں نے ڈھائی سالہ بچی کو سمندر میں ڈبو کر قتل کردیا

واضح رہے کہ پیر کی شام ڈھائی سالہ بچی انعم کو سپرد خاک کردیا گیا، دو روز قبل شکیلہ نامی خاتون نے اپنی ڈھائی سالہ بیٹی انعم کو سمندر میں پھینک دیا تھا اور خود کشی کی غرض سے خود بھی چھلانگ لگانے کی کوشش کی لیکن موقع پر موجود افراد نے اسے بچالیا اور پولیس کو اطلاع دی،  عینی شاہدین کی اطلاع پر پولیس نے لاش برآمد کرکے ملزمہ شکیلہ کو گرفتار کرلیا۔

Comments

comments

یہ بھی پڑھیں