site
stats
صحت

لوشن لگانے سے سات ماہ کے بچے کا منہ جھلس گیا

لوشن لگانے کے بعد بیٹے رو رہا تھا مگر ہم اسے معمول سمجھتے رہے، والدہ

برطانیہ: سردیوں میں جلد کو خشکی سے بچانے کے لیے لوشن یا کریم کا استعمال کیا جاتا ہے مگر یہ بعض اوقات کس قدر خطرناک ہوسکتا ہے اس بات کا اندازہ والدہ کو جب ہوا جب 7 ماہ کے بچے کے چہرے کی جلد پر زخم ہوگیا۔

ایماں لپسون کا ماننا تھا کہ سورج سے نکلنے والی دھوپ اور سردی میں چہرے کی خشکی دور کرنے کے لیے لوشن بہت مفید ہے اس لیے انہوں نے ایک ہفتے قبل ساحل سمندر پر جاتے وقت 7 ماہ کے بچے کے چہرے پر لوشن لگا دیا تھا۔

والدہ کا کہنا ہے کہ ہمیشہ کی طرح اُس روز بھی میں نے معمول کے مطابق اُسی کمپنی کا لوشن بیٹے کے چہرے پر لگایا جو پروڈکٹ عام طور پر ہمارے زیر استعمال ہیں۔

لپسون کا کہنا ہے کہ لوشن لگانے کے بعد بیٹے رو رہا تھا مگر ہم اس کو طبیعت ناسازی یا کوئی اور وجہ سمجھتے رہے تاہم شام واپسی کے بعد جب اُس کا منہ دھلایا تو منہ پر زخم تھے اور اُس کا چہرہ جھلسا ہوا تھا۔

والدہ کا کہنا ہے کہ جو لوشن میرے زیر استعمال ہے وہی دیگر دو بچوں کے لگایا کبھی اس طرح کی صورتحال کا سامنا نہیں کرنا پڑا مگر اس بار  ہمیں بہت بڑے نقصان کا سامنا کرنا پڑا۔

ایماں لپسوں نے اس بات کا عندیہ دیا ہے کہ وہ مذکورہ کمپنی کے خلاف مقدمہ دائر کریں گی تاکہ دیگر بچے محفوظ رہ سکیں، ڈاکٹرز نے 7 ماہ کے بچے کے منہ پر آنے والے زخم کو انتہائی خطرناک قرار دیا اور متنبہ کیا کہ اس سے کینسر کی بیماری لاحق ہونے کا خدشہ ہے۔

انتباہ: بچوں کی جلد چونکہ بہت حساس ہوتی ہے لہذا والدین کوئی بھی پاؤڈر یا لوشن استعمال کرنے سے قبل اُسے بچے کی ہتھیلی کے اوپر یا کہنی کے قریب لگا کر دیکھیں اگر بچے کی جلد اُسے قبول نہیں کرے گی تو جلد کا رنگ تبدیل ہوجائے گا یا اُسے تکلیف محسوس ہوگی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top