The news is by your side.

Advertisement

وزیر اعلیٰ پنجاب کی ہدایت پر 350 سستے سہولت بازار قائم

لاہور: وزیر اعلیٰ پنجاب عثمان بزدار کی ہدایت پر 350 سستے سہولت بازار قائم کردیے گئے، وزیر اعلیٰ کا کہنا تھا کہ سستے سہولت بازاروں سے عوام کو مہنگائی سے ریلیف مل رہا ہے۔

تفصیلات کے مطابق وزیر اعلیٰ پنجاب کی ہدایت پر 350 سستے سہولت بازار قائم کردیے گئے، وزیر اعلیٰ عثمان بزدار کا کہنا تھا کہ سہولت بازاروں میں سستے داموں اشیا کی فراہمی یقینی بنائی گئی ہے۔

عثمان بزدار نے کہا کہ سہولت بازاروں میں 20 کلو آٹے کا تھیلا 840 روپے میں دستیاب ہے، عام مارکیٹ میں 20 کلو آٹے کا تھیلا 860 روپے میں مہیا کیا جا رہا ہے۔

انہوں نے کہا کہ چینی 85 روپے کلو کے حساب سے صارفین کو مل رہی ہے، سستے سہولت بازاروں سے عوام کو مہنگائی سے ریلیف مل رہا ہے۔ تمام سہولت بازاروں کی مانیٹرنگ کی جا رہی ہے۔

وزیر اعلیٰ کا مزید کہنا تھا کہ عوام کو مہنگائی سے ریلیف دینے کے لیے آخری حد تک جائیں گے، کسی کو عوام کا استحصال نہیں کرنے دیں گے۔

Comments

یہ بھی پڑھیں