The news is by your side.

Advertisement

بھارتی اسکول انتظامیہ کی پریکٹیکل کے بہانے کئی لڑکیوں سے گھٹیا حرکت

دہلی: بھارت میں اسکول انتظامیہ نے مضامین کے پریکیٹکل کے بہانے 17 لڑکیوں کو نشہ آور شے کھلا کر زیادتی کا نشانہ بنانے کی کوشش کی۔

غیرملکی خبررساں ادارے کی رپورٹ کے مطابق یہ واقعہ بھارتی شہری مظفر نگر میں پیش آیا، طالبات کو دو مختلف اسکولوں کے مینجروں نے عصمت دری کی کوشش کی، پولیس نے قانونی کارروائی کا آغاز کردیا ہے۔

رپورٹ میں بتایا گیا کہ سترہ لڑکیوں کو نصاب کے پریکٹیکل کے لیے دوسرے اسکول لے جایا گیا تھا جہاں دونوں اسکولوں کے مینجروں نے طالبات کی عزت لوٹنے کی کوشش کی۔

پولیس کا کہنا ہے کہ لڑکیوں کو رات گئے تھے اسکول میں رکنا پڑا تھا جہاں انہیں نشہ آور شے دی گئی اور جنسی ہراسانی کا نشانہ بنایا گیا۔

ملزمان نے لڑکیوں کو دھمکی دی تھی اگر کسی کو اس بارے میں بتایا گیا تو اس کا انجام سنگین ہوگا۔

بعد ازاں والدین نے علاقائی عہدیدار سے رابطہ کیا جس کے بعد اسکول مینجروں کے خلاف مقدمہ درج کیا گیا، حکام نے یقین دہانی کرائی کہ جلد ملزمان کی گرفتاری عمل میں آئے گی۔

Comments

یہ بھی پڑھیں