بنکاک : تھائی لینڈ کے ایک ہوٹل سے متعلق اپنے منفی خیالات کا اظہار کرنا امریکی شہری کو مہنگا پڑگیا، ہوٹل انتظامیہ نے مذکورہ شخص پر ہوٹل میں بوتل لانے پر15 ڈالر کا اضافی چارج لگادیا۔
امریکی اخبار نیو یارک ٹائمز کی رپورٹ میں بتایا گیا ہے کہ تھائی لینڈ کے ہوٹل میں مقیم ایک امریکی شہری نے ہوٹل سروسز استعمال کرکے اس سے متعلق منفی ریویو لکھ دیا جو اس کیلئے وبال جان بن گیا۔
اسمارٹ فون موبائل ایپس یا پھر انٹرنیٹ کے ذریعے چیزیں یا پھر سروسز حاصل کرنے پر ردِ عمل میں ریویو لکھنے میں احتیاط کریں ورنہ آپ کو جیل ہوسکتی ہے۔
سروسز اور مصنوعات سے متعلق ریویو لکھنا ہم لوگوں کی عادت ہوتی ہے، ایسے میں چیز اچھی لگنے پر ہم اس کی تعریف کرتے ہیں جبکہ نہ پسند آنے پر اس کی برائیاں بھی لکھ دیتے ہیں۔
ان ہی ریویوز کو پڑھنے کے بعد دوسرا شخص اس کے استعمال کرنے سے متعلق اپنا فیصلہ بھی آسانی سے کرسکتا ہے۔ اس سلسلے میں تھائی لینڈ کے ایک ہوٹل سے متعلق ایک ریویو سروس استعمال کرنے والے مسافر کے لیے وبال جان بن گیا۔
منفی ریویو لکھنے کی پاداش میں ہوٹل انتظامیہ کی جانب سے مذکورہ شخص پر ہوٹل میں بوتل لانے پر15 ڈالر کا اضافی چارج لگادیا گیا تھا تاہم بات چیت اور رضامندی کے بعد اس جرمانے کو ہٹادیا گیا تھا۔
اس کے باوجود اس شخص نے ہوٹل سے متعلق منفی ریویو پوسٹ کردیا جس کے باعث کمپیوٹر کرائم ایکٹ کے تحت اس شخص کو سات سال تک کی قید اور تھائی لینڈ میں اپنی نوکری سے ہاتھ دھونا پڑ سکتا ہے۔
