کراچی : موسم کی خرابی کے باعث کراچی سے اندرون اور بیرون ملک جانے والی 20 پروازیں منسوخ کردی گئیں، ان پروازوں کا تعلق مختلف ایئرلائنز سے ہے۔
اس حوالے سے ذرائع کا کہنا ہے کہ کراچی سے جانے والی مختلف ایئرلائنز کی 20پروازوں میں جدہ ، مدینہ اور نجف جانے والی پروازیں منسوخ کی گئی ہیں۔
اس کے علاوہ کراچی سے ابوظہبی جانے والی پرواز اور کراچی سے اسلام آباد اوردبئی جانے والی پروازیں بھی منسوخ کردی گئیں۔
ایئرپورٹ ذرائع کا کہنا ہے کہ کراچی سے دمشق دوطرفہ پروازیں منسوخ جبکہ کراچی سے کوئٹہ، ملتان اور رحیم یارخان کی پروازیں بھی منسوخ کی گئی ہیں۔
ذرائع کے مطابق کراچی سے لاہور اور پشاور کی پروازیں بھی خراب موسم کے باعث منسوخ کردی گئیں، اس کے علاوہ خراب موسم اور لوڈ نہ ہونے کے باعث پروازیں منسوخ ہوئی ہیں۔
Comments
- Advertisement -