The news is by your side.

Advertisement

موسم کی خرابی : ملکی و غیر ملکی پروازوں کے نئے اوقات کار جاری

کراچی : پی آئی اے پروازوں کا شیڈول موسم کی وجہ سے متاثر ہوگیا جس کے باعث اندرون ملک پروازیں حد نگاہ بہتر ہونے کی رپورٹ کے بعد چلائی جائیں گی۔

اس حوالے سے ترجمان کا کہنا ہے کہ شدید دھند کی وجہ سے غیر ملکی پروازیں حد نگاہ کم ہونے کے باعث متبادل ایئر پورٹس پر اتاری جائیں گی۔

ذرائع کے مطابق پرواز پی آئی اے کی پرواز پی کے210 شارجہ سے سیالکوٹ کے بجائے لاہور آپریٹ کرے گی جبکہ پی کے 281سیالکوٹ تا مسقط ، لاہور تا مسقط آپریٹ ہوگی جو رات12 بجے روانہ ہوگی۔

اس کے علاوہ پی کے282 مسقط تا سیالکوٹ مقررہ وقت کے مطابق صبح سوا7بجے سیالکوٹ پہنچے گی جبکہ پی کے9747 لاہور تا مدینہ آج7گھنٹے تاخیر سے روانہ ہوگی۔

ایوی ایشن ذرائع کے مطابق منگل کے روز پی کے9715 ملتان تا مدینہ5گھنٹے تاخیر سے روانہ ہوگی جبکہ منگل کو پی کے 9716 مدینہ تا ملتان 7گھنٹے تاخیر سے روانہ ہوگی اور منگل کو پی کے 9748 مدینہ تا لاہور 5 گھنٹے30 منٹ کی تاخیر سے روانہ ہوگی۔

اس حوالے سے ترجمان پی آئی اے نے تمام مسافروں کو ہدایت کی ہے کہ وہ اپنی پروازوں سے متعلق پی آئی اے کال سینٹر سے معلومات حاصل کرلیں۔

Comments

یہ بھی پڑھیں