The news is by your side.

Advertisement

افغان صوبےبدخشاں میں ڈرون حملہ‘ 8 طالبان ہلاک

کابل: افغانستان کے شمال مشرقی صوبے بدخشاں میں نیٹوفورسز کے ڈرون حملے میں 8 طالبان جنگجو ہلاک جبکہ 15 زخمی ہوگئے۔

تفصیلات کے مطابق افغان میڈیا کا کہنا ہے کہ نیٹو فورسز نے افغان صوبے بدخشاں کے ضلع راغستان میں ڈرون حملہ کیا ہے جس کے نتیجے میں 8 طالبان جنگجو ہلاک جبکہ 15 زخمی ہوگئے۔

افغان میڈیا کے مطابق ڈرون حملے میں طالبان کے ٹھکانوں کو نشانہ بنایا گیا جس کے باعث ان کے اسلحے اور گولہ بارود کا ذخیرہ بھی تباہ ہوا ہے۔

خیال رہے کہ اس وقت افغان صوبے بدخشاں کے دو اضلاع پر طالبان کا کنٹرول ہے جبکہ دیگر علاقوں میں فورسز اور طالبان کے درمیان جھڑپیں جاری ہیں۔


افغانستان، ڈرون حملے میں 8 طالبان ہلاک


یاد رہے کہ گزشتہ ماہ 27 ستمبر کو دہشت گردی کے مختلف واقعات میں افغان پولیس کے پانچ افسران جاں بحق ہوگئے تھے جبکہ افغان اتحادی افواج کی جانب سے ڈرون حملوں میں 8 طالبان جنگجو ہلاک ہوگئے تھے۔


امریکہ افغانستان میں داعش کواسلحہ فراہم کررہا ہے‘ حامد کرزئی


واضح رہے کہ تین روز قبل افغانستان کے سابق صدر حامد کرزئی کا کہنا تھا کہ امریکہ افغانستان میں داعش کو اسلحہ فراہم کرتا ہے اور امریکی فوجی اڈوں سے داعش کو مدد دی جاتی ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

Print Friendly, PDF & Email

Comments

comments

یہ بھی پڑھیں