مزیدار بادامی قلفی گھر پر تیار کریں

موسم گرما میں ٹھنڈی اشیا اور ٹھنڈے مشروبات جسم و جاں کو فرحت پہنچاتے ہیں، اسی لیے آج ہم آپ کو مزیدار بادامی قلفی گھر میں بنانے کی ترکیب بتا رہے ہیں۔

اجزا

دودھ: 1 کلو

زردہ رنگ: 1 چٹکی

چینی: ایک تہائی کپ

چاول کا آٹا: 2 کھانے کے چمچ

میدہ: 2 کھانے کے چمچ

بادام آدھا کپ: کرش کیے ہوئے

ترکیب

سب سے پہلے دودھ کو ابالنے کے لیے رکھیں، جب گرم ہوجائے تو آدھا کپ نکال کر اس میں میدہ، زردہ رنگ اور چاول کا آٹا گھول کر رکھ لیں۔

جب دودھ ابلنے لگے تو الگ سے نکلا ہوا دودھ اس میں ڈال دیں، ساتھ ہی چینی بھی ڈال دیں۔

جب گاڑھا ہو جائے تو بادام ڈال کر ٹھنڈا کریں اور سانچے میں ڈال کر جمالیں۔

مزیدار بادامی قلفی تیار ہے۔

Comments