بادغیس: افغانستان کے صوبے بادغیس میں ایک مسجد میں بم دھماکے میں ایک شخص جاں بحق، 15 زخمی ہو گئے۔
تفصیلات کے مطابق افغان صوبے بادغیس کے مرکزی شہر قلعہ نو کے ایک جامع مسجد میں نماز جمعہ کے بعد ہونے والے بم دھماکے میں ایک شہری جاں بحق ہو گیا، جب کہ پندرہ زخمی ہو گئے ہیں۔
افغان میڈیا کا کہنا ہے کہ زخمیوں میں کئی افراد کی حالت نازک ہے، جس کی وجہ سے جاں بحق افراد کی تعداد میں اضافے کا خدشہ ہے۔ زخمی افراد میں 3 بچے بھی شامل ہیں، تمام زخمیوں کو طبی امداد کے لیے اسپتال منتقل کر دیا گیا ہے۔
جزییات ابتدایی انفجار بادغیس:
شاهدان عینی به آماج میگویند که انفجار امروز ناشی از ماین کنار جادهی بوده که هنگام خروج نمازگزاران از مسجد جامع قلعه نو رخ داده است. همچنان به گفته منابع در حدود ۸ نفر جان باخته و ۲۰ تن دیگر زخمی شدهاند. pic.twitter.com/bGWexhwHvC— afghan.news (@T0BHDHkursJX5Zw) February 11, 2022
افغان میڈیا کے مطابق دھماکا نماز جمعہ کے بعد ہوا، نمازی مسجد سے باہر نکل رہے تھے کہ اسی اثنا میں گیٹ پر زور دار دھماکا ہوا۔
بادغیس میں اطلاعات و ثقافت کے ڈائریکٹر باز محمد سروری نے تصدیق کی کہ قلعہ نو میں واقع جامع مسجد کے داخلی دروازے پر ایک گھنٹہ قبل دھماکا ہوا ہے، زخمیوں کو صوبائی اسپتال لے جایا گیا ہے۔
فی الوقت کسی گروپ یا فرد نے اس دھماکے کی ذمہ داری قبول نہیں کی ہے۔
