بدین : کراچی آپریشن کے خوف سے روپوش پانچ ٹارگٹ کلرز کو بدین سے گرفتار کرلیا گیا۔
تفصیلات کے مطابق شہر قائد کراچی میں جاری جرائم پیشہ افراد کیخلاف ہونے والے آپریشن میں گرفتاری کے خوف سے فرار ہونے والے ملزمان کو بدین سے گرفتارکرلیا گیا ہے۔
بدین کے علاقے تلہار میں ٹارگٹڈ آپریشن کے دوران گرفتار ہونےوالے غلام مصطفی، خالد، عبدالرحمان، قادر اور صاحب خان کا تعلق ایک سیاسی جماعت سے بتایا جا رہا ہے۔ ملزمان قتل اور دیگر سنگین جرائم کی وارداتوں میں ملوث بتائے جاتے ہیں۔
گرفتار ملزمان سے ابتدائی تحقیقات کے بعد ملنے والی معلومات پر رینجرز اور پولیس کی جانب سے بدین کے مختلف علاقوں میں سرچ آپریشن بھی شروع کر دیا گیا ہے تاکہ ان کے ساتھی اور دیگر سہولت کاروں کو بھی حراست میں لیا جاسکے۔ ملزمان سے مزید انکشافات متوقع ہیں۔
