site
stats
پاکستان

بدین سٹی میں مرزا گروپ نے پیپلز پارٹی کو چت کردیا

بدین: ذوالفقار مرزا گروپ نے پیپلز پارٹی کو ناکوں چنے چبوادیئے، تمام وارڈز میں مرزا گروپ کی کامیابی پر حامیوں نے جشن منایا، ذوالفقار مرزا کا کہنا ہے کہ اگلا ہدف کراچی ہے۔

سندھ میں بلدیاتی انتخابات کے دوسرے مرحلے میں غیر حتمی اور غیر سرکاری نتائج کے مطابق پیپلز پارٹی نشستیں حاصل کرنے والی جماعتوں میں سب سے آگے ہے لیکن بدین سٹی میں ذوالفقار مرزا کا گروپ چھا گیا۔ اور بدین سٹی کی تمام چودہ نشسیں جیت لیں اور ساتھ ہی پیپلز پارٹی کو ایک خاموش پیغام بھی دیدیا ۔

بدین سٹی کے تمام چودہ وارڈز اور ٹاؤن کمیٹی کی تین نشستوں پر ذوالفقارمرزا کے حمایت یافتہ امیدوار کامیاب ہوئے، صرف ٹاؤن کمیٹی کی پانچ نشستوں پرپیپلزپارٹی کوکامیابی ملی۔

ذوالفقار مرزا جیت کی خوشی سے اتنے شرشار تھے کہ انھوں نے اپنا اگلاہدف کراچی کو قرار دے دیا، بدین سٹی میں کامیابی پر ذوالفقار مرزا کے حامیوں نے خوب ہلہ گلہ کیا اور جشن منایا.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top