امریکا میں ایک شخص نے اپنے دوست کو قتل کر کے اس کے مردہ جسم کے کچھ حصے ایک سوٹ کیس میں چھپا دیے اور سوٹ کیس کو دور پھینک دیا، لیکن سوٹ کیس پر لگے نام کے ٹیگ نے قاتل کو گرفتار کروا دیا۔
یہ واقعہ امریکا کے شہر ڈینور میں پیش آیا، سٹی ورکرز کو صفائی کے دوران 2 سوٹ کیس ملے جنہیں کھولنے پر اندر سے انسانی جسم کی باقیات برآمد ہوئیں۔
پولیس نے ان سوٹ کیسز کو اپنی تحویل میں لے لیا تو ایک سوٹ کیس سے نیم ٹیگ برآمد ہوا۔ ٹیگ یونائیٹڈ ایئر لائنز کے بیگج کلیم کا تھا جس پر مسافر کا نام بینجمن اسٹیورٹ لکھا تھا۔
پولیس جلد ہی مذکورہ شخص کے گھر پہنچ گئی، گھر کی تلاشی کے دوران پولیس کو کاؤچ، باتھ ٹب اور باتھ روم میں خون دکھائی دیا جبکہ ایک تیز دھار کٹر بھی ملا۔
قریبی وال مارٹ کی سی سی ٹی وی ریکارڈنگ سے علم ہوا کہ بینجمن نے واقعے سے 2 دن قبل یہ کٹر وہاں سے خریدا تھا، پولیس نے بینجمن کو گرفتار کرلیا۔
Benjamin Satterthwaite (age 28) has now been charged with the murder of 33-year old Joshua Lockard. Satterthwaite is accused of killing Mr. Lockard, dismembering his corpse, then placing portions of the corpse in 2 suitcases. https://t.co/aXoQ1fPicq pic.twitter.com/EzBQtUWM6i
— Denver DA (@DenverDAsOffice) January 19, 2021
پولیس کے مطابق مقتول کی عمر 33 سال تھی، قاتل اور مقتول ایک دوسرے کو جانتے تھے اور دونوں کا ایک دوسرے کے گھر آنا جانا تھا۔
تاحال علم نہیں ہوسکا کہ مقتول کی موت کس طرح ہوئی، نہ ہی یہ معلوم ہوسکا کہ قاتل کے اس مذموم فعل کے پیچھے کیا وجوہات اور ارادے تھے۔
