The news is by your side.

باغ کورنگی سے گزشتہ روز اغواء ہونے والے دونوں بھائی گھر پہنچ گئے

کراچی: کورنگی سے  گزشتہ روز اغواء ہونے والے دو بھائیوں کے اہلخانہ کی جانب سے احتجاج کے بعد دونوں مغوی مل گئے، اغواء کا مقدمہ تھانہ عوامی کالونی میں درج ہے۔

تفصیلات کے مطابق گزشتہ روز کورنگی انڈسٹریل ایریا کے علاقے باغ کورنگی سے دو بچے اغواء ہوگئے تھے،14سالہ شایان اور16سالہ حارث کے لواحقین نے تھانہ عوامی کالونی میں بچوں کی گمشدگی کی رپورٹ بھی درج کرادی تھی۔

تاہم پولیس کی جانب سے مبینہ طور پر عدم توجہ کے باعث اہل خانہ اور علاقہ مکین مشتعل ہوگئے انہوں نے پولیس کے خلاف شدید احتجاج کیا۔

مظاہرین کا کہنا تھا کہ کل ٹیوشن سے واپسی پر14سالہ شایان،16سالہ حارث اغواء ہوئے تھے، اسی دوران سب سے چھوٹا بیٹا شعیب وہاں سے فرار ہوکر گھر پہنچا جس نے واقعے کی اطلاع دی۔ ۔

والدہ کے مطابق واقعے کا مقدمہ عوامی کالونی میں درج ہے ،لیکن پولیس بچوں کی بازیابی کیلئے کوششیں نہیں کررہی ہے، احتجاج کے باعث شرافی گوٹھ شاہراہ کے دونوں ٹریک بند ہوگئے جس کے بعد ٹریفک کی روانی بند ہوگئی۔

تازہ ترین اطلاعات کے مطابق بعد ازں اہل خانہ نے بتایا کہ باغ کورنگی سے اغواء ہونے والے دونوں بھائی مل گئے ہیں۔

Comments

یہ بھی پڑھیں