عراقی دارالحکومت بغدادمیں 2دھماکے،27افرادہلاک -
The news is by your side.

Advertisement

عراقی دارالحکومت بغدادمیں 2دھماکے،27افرادہلاک

بغداد: عراقی دارالحکومت کے مصروف بازار میں ہونے والے دو دھماکوں میں27 افراد ہلاک جبکہ 50سے زائد زخمی ہوگئے۔

تفصیلات کےمطابق عراقی وزیر داخلہ کے بیان کے مطابق ایک دھماکا خودکش تھا جبکہ ایک دھماکا نصب کیے گئے بارودی مواد کے ذریعے کیا گیا۔

عراقی پولیس حکام کےمطابق یہ دھماکے بازار کے مصروف حصے میں گاڑیوں کےاسپئیرپارٹس کی مارکیٹ فروخت کرنے والی ایک دکان کے نزدیک ہوئے۔

ابتدائی معلومات کے مطابق دھماکوں کی ذمہ داری کسی نے قبول نہیں کی تاہم عراق میں داعش کی جانب سے پہلے بھی شہریوں کا نشانہ بنایا جاتا رہا ہے۔

یادرہےکہ گذشتہ ماہ بھی عراق کے دارالحکومت بغداد میں زائرین کی بسوں کے نزدیک ٹرک کے ذریعے کیے جانے والے خودکش دھماکے میں 100 افراد ہلاک ہوگئے تھے جن میں بڑی تعداد زائرین کی تھی۔

واضح رہے کہ کربلا سے ایران آنے والے زائرین پر اس دھماکے کی ذمہ داری دہشت گرد تنظیم داعش نے قبول کی تھی۔

Comments

comments

یہ بھی پڑھیں