The news is by your side.

Advertisement

بہادر آباد پولیس نے ٹارگٹ کلر کو گرفتارکرلیا

کراچی : شہر قائد میں بہادرآباد پولیس نے مقابلے بعد ٹارگٹ کلر کو گرفتار کرلیا جبکہ ملزم کے دو ساتھی فرار ہونے میں کامیاب ہوگئے۔

تفصیلات کے مطابق کراچی میں بہادرآباد پولیس نے مقابلے کے بعد ٹارگٹ کلر ملزم شایان عرف شان کو گرفتارکرکے اسلحہ برآمد کرلیا۔

ایس ایس پی ایسٹ کے مطابق ملزم کے 2 ساتھی پولیس مقابلے کے بعد فرار ہوگئے، گرفتارملزم ڈکیتیوں میں بھی ملوث ہے۔

غلام اظفر مہیسر کا کہنا ہے کہ ملزم فیصل لودھی ڈکیت گروپ کا کارندہ ہے، ملزم ٹارگٹ کلنگ ، ڈکیتیوں میں پہلے بھی گرفتارہوکرجیل کاٹ چکا ہے۔

ایس ایس پی ایسٹ کے مطابق ملزم نے 2013 میں تھانہ پی آئی بی کی حدود میں شہری کو قتل کیا، ملزم تاجروں سے بھتہ لینے کی وارداتوں میں بھی ملوث ہے۔

کراچی میں‌ پولیس کا ایکشن، ٹارگٹ کلنگ میں ملوث ’چڈا، ببلو اور پیرجی‘ گرفتار

یاد رہے کہ گزشتہ روز سندھ پولیس نے مبینہ ٹاؤن تھانے کی حدود سے قتل کی متعدد وارداتوں میں ملوث متحدہ لندن کے دو ٹارگٹ کلرز سمیت تین ملزمان کو گرفتار کیا تھا۔

پولیس حکام کے مطابق ملزمان کی شناخت عباس عرف چڈا، مسعود عرف ببلو اور شہادت عرف پیرجی کے ناموں سے ہوئی ہے۔

Comments

comments

یہ بھی پڑھیں