بہاولپورمیں نلکوں سے پانی کی جگہ آگ نکلنے لگی -
The news is by your side.

Advertisement

بہاولپورمیں نلکوں سے پانی کی جگہ آگ نکلنے لگی

بہاولپور: گلشن رحمت میں درجنوں گھروں میں پانی کے بجائے گیس نکلنا شروع ہوگئی، واٹرسپلائی لائن سے گیس نکلنے سے علاقے میں خوف وہراس پھیل گیا۔

تفصیلات کے مطابق میونسپل کمیٹی کا نیا کارنامہ سامنے آیا ہے، حال ہی میں مکمل کی جانے والی واٹرسپلائی کامنصوبہ بری طرح ناکام ہوگیا۔

واٹرسپلائی لائن کو گیس پائپ لائن سےجوڑ دیا گیا جس کے بعد پائپ سے پانی کی جگہ آگ نکلنے لگی، اس حوالے سے اے آر وائی نیوز کے نمائندے چوہدری سلیم نے بتایا کہ اس علاقے میں گزشتہ ایک ماہ سے پانی کا مسئلہ ہے۔

نئی پائپ لائن ڈالنے کے باوجود پانی کی لائنیں گیس لائن سے مل گئیں جس کی وجہ سے نلکوں میں پانی کی بجائے آگ نکل رہی ہے، اہل علاقہ مزید پریشانی میں مبتلا ہوگئے ہیں۔

تازہ ترین اطلاعات کے مطابق سوئی گیس اور واٹر سپلائی انتظامیہ کی جانب سے تاحال کوئی اقدام نہیں کیا گیا، موجودہ صورتحال کسی ھادثہ کا سبب بھی بن سکتی ہے۔

Comments

comments

یہ بھی پڑھیں