site
stats
پاکستان

بہاولپور میوزیم سے سینکڑوں نوادرات اور فن پارے چوری

بہاولپور: صوبہ پنجاب کے تاریخی شہر بہاولپور کے عجائب گھر سے سینکڑوں نوادرات اور فن پارے چوری کیے جانے کا انکشاف ہوا ہے۔

تفصیلات کے مطابق آڈیٹر جنرل کی رپورٹ میں بہاولپور میوزیم سے کروڑوں روپے مالیت کے نوادرات اور فن پاروں کی چوری کا انکشاف ہوا ہے۔

سنہ 16-2015 کی آڈٹ رپورٹ کے مطابق عجائب گھر سے 227 نوادرات غائب ہیں۔

آڈٹ رپورٹ کے مطابق نوادرات کی چوری کے حوالے سے ذمہ داران کے خلاف ابھی تک کوئی کارروائی نہیں کی گئی۔

چوری ہونے والے فن پارے سونے اور چاندی کے تاروں سے بنائے گئے تھے۔ رپورٹ کے مطابق تاریخی اور نایاب فن پارے اور دیگر نوادرات ڈائریکٹر میوزیم حسین احمد مدنی کے دور میں غائب ہوئے۔

بہاولپور کا یہ عجائب گھر سنہ 1976 میں قائم کیا گیا تھا۔ میوزیم میں قدیم دور کے نوادرات، سکے، بہاولپور کے حکمرانوں کے زیر استعمال ہتھیار، توپیں، گاڑیاں اور قدیم برتن رکھے گئے ہیں۔

میوزیم کے باہر ایک قدیم اسٹیم انجن بھی رکھا گیا ہے جو وہاں آنے والوں کی توجہ کا مرکز بن جاتا ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top