The news is by your side.

Advertisement

قطر میں سوشل میڈیا پر جعلی اکاؤنٹس بحرین کے خلاف استعمال ہونے لگے

دوحہ: قطر میں سوشل میڈیا پر جعلی اکاؤنٹس کے ذریعے بحرین کے مفادات کو نقصان پہنچانے کے لیے منظم کوششوں کا انکشاف ہوا ہے۔

تفصیلات کے مطابق قطر میں سوشل میڈیا پر ایسے جعلی اکاؤنٹس چلائے جارہے ہیں جس پر بحرین کے خلاف تحریری مواد اور مملکت سے غلط معلومات بھی منصوب کیا جارہا ہے۔

غیر ملکی خبر رساں ادارے کے مطابق بحرین کی وزارت داخلہ کی جانب سے جاری کردہ بیان میں کہا گیا ہے کہ قطر سے جعلی اکاؤنٹس بحرین کے خلاف استعمال ہونا، بحرین اور سعودی عرب کے درمیان خصوصی تعلقات کو نقصان پہنچانے کی کوشش ہے۔

وزارت داخلہ بحرین کے مطابق اس طرح کے اکاؤنٹس کا مقصد ملک میں افراتفری کے بیج بونا ، بغاوت کو ہوا دینا اور منافرت کو شہ دینا ہے تاکہ بحرین کے سماجی ڈھانچے کو نقصان پہنچایا جاسکے۔


بحرین کا قطری فوج کو 48 گھنٹوں میں ملک سے نکل جانے کا حکم


بیان میں کہا گیا تھا کہ مذکورہ جعلی اکاؤنٹس پر مختلف ایشوز کے ذریعے رائے عامہ پر اثر انداز ہونے کی کوشش کی جارہی ہے، بحرین حکام اس قسم کی سازش کو ناکام بنا دیں گے۔

بیان میں مزید کہا گیا تھا کہ بحرین کے شہری بڑے باشعور ہیں، شعور وآگہی اور سماجی امن وسلامتی کے خلاف سازشوں کو ناکام بنانے میں ان کے مخلصانہ عزم کا بڑا کردار ہے۔

واضح رہے کہ بحرین، سعودی عرب ، متحدہ عرب امارات اور مصر نے 5 جون 2017ء کو قطر سے ہر طرح کے سیاسی ،سفارتی اور تجارتی تعلقات توڑنے کا اعلان کیا تھا، اسی تناظر میں قطر سے معاملات انتہائی کشیدہ ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں