تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

بحرین کا قطری فوج کو 48 گھنٹوں میں ملک سے نکل جانے کا حکم

بحرین : خلیجی ممالک میں کشیدگی دن بہ دن بڑھتی جارہی ہے، بحرین نے ملک میں موجود قطری فوج کو ملک سے نکل جانے کا حکم دے دیا۔

قطر اور خلیجی ممالک کے درمیان گرما گرمی جاری ہے اور کشیدگی میں اضافہ ہوگیا ہے، بحرین نے قطری فوج کو ملک سے نکل جانے کا حکم جاری کر دیا، بحرین میں موجود قطری فوجی داعش کے خلاف عسکری اتحاد کا حصہ تھے۔

یو ایس نیول فورسز سنٹرل کمانڈ کے لیے بحرین میں تعینات ان قطری فوجیوں سے کہہ دیا گیا ہے کہ وہ اڑتالیس گھنٹوں میں ملکی حدود سے نکل جائیں۔

بحرین نے امریکی جنرل اِن کمانڈ کو بتایا ہے کہ قطری فوجیوں کو ملک چھوڑ کر جانا ہو گا، اس ذریعے کے مطابق یہ فوجی ابھی تک بحرین میں ہی ہیں جبکہ یہ آئندہ دو دنوں میں یہ اپنے ملک واپس چلے جائیں گے۔

قطر اور بحرین کے درمیان تناؤ میں اس وقت مزید اضافہ ہوا جب مناما حکومت نے الزام عائد کیا کہ دوحہ اس کے داخلی معاملات دخل اندازی کر رہا ہے۔ قطر کی طرف سے اس الزام کی بھی تردید کی گئی ہے۔

دوسری جانب قطر کا کہنا ہے کہ کشیدہ حالت کے باوجود متحدہ عرب امارات کے ساتھ گیس پائپ لائن بند نہیں کرینگے، یہ اقدام کر کے ہم متحدہ عرب امارت کے شہریوں کو نقصان نہیں پہنچانا چاہتے۔


سعودی عرب سمیت 7 عرب ممالک نےقطرسےسفارتی تعلقات منقطع کردیے


واضح رہے کہ قطر کے ساتھ سعودی عرب سمیت 7 عرب ممالک نے سفارتی تعلقات ختم کردیئے تھے اور قطر پر دہشت گردوں کی حمایت کا الزام عائد کرتے ہوئے قطر پر اپنی زمینی، فضائی اور سمندری سرحدوں کو بند کردیا تھا۔

جس کے بعد قطری وزارت خارجہ نے سعودی عرب سمیت 7ملکوں کی جانب سے تعلقات منقطع کرنے کے فیصلے کوغیرمنصفانہ قرار دیا تھا اور کہا کہ فیصلے کو عجلت میں بغیر تحقیق کے ساتھ کیا گیا، جس کا ان ممالک کے پاس کوئی آئینی اور قانونی جوازموجود نہیں ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

- Advertisement -