site
stats
پاکستان

سونا اسمگلنگ کیس میں ایئرہوسٹس کی درخواست ضمانت خارج

لاہور: کسٹم کورٹ نے سونا اسمگلنگ کیس میں ایئرہوسٹس نزہت کی درخواستِ ضمانت خارج کردی۔

تفصیلات کے مطابق کسٹم کورٹ لاہورمیں آج سونا اسمگلنگ کیس کی سماعت ہوئی جس میں مبینہ ملزمہ ایئرہوسٹس نزہت کی درخواست ضمانت میں دو طرفہ دلائل سنے گئے۔

اس موقع پردرخواست گزارنزہت کی جانب سے مؤقف اختیارکیا گیا کہ سونا اسمگلنگ کا الزام غلط ہے وہ نہ تو سونا اسمگل کررہی تھی اور نہ اس کا اس واقعہ سے کوئی تعلق ہے۔

اسی سے متعلق : پی آئی اے ایئر ہوسٹس سونا اسمگل کرتے ہوئے گرفتار

انسداد منشیات فورس کی جانب سے پیش ہونے والے وکیل نے ملزمہ کی درخواست ضمانت کی سخت مخالفت کرتے ہوئے دلائل دیے کہ ملزمہ کو ٹھوس شواہد کی بناء پرحراست میں لیا گیا تھا یہ سنگین نوعیت کا کیس ہے جو ملک اورادارے کی بدنامی کا باعث بنا ہے لہذا ملزمہ کی درخواست ضمانت کو خارج قرار دیا جائے۔

دو طرفہ دلائل مکمل ہونے پرکسٹم کورٹ نے ملزمہ کی درخواست ضمانت خارج کرکے ملزمہ کو مزید تحقیقات کے لیے قانون نافذ کرنے والے اداروں کے حوالے کردیا۔

واضح رہے کہ ایئرہوسٹس نزہت کو 2 کلوگرام سونا اسمگل کرتے ہوئے لاہور ایئرپورٹ سے گرفتار کیا گیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top